چاویشئۆغلو: بەرھەڤین دانپێدانێ ب سەرخوەبوونا کوردستانێ بکەین
WAAR-دهۆك:
وەزیرێ دەرڤەیێ تورکیا ھەلوەستێ وەلاتێ خوە ل دۆر سەرخوەبوونا کوردستانێ ئاشکرا کر و راگەھاند؛ ئەو بەرھەڤن دانپێدانێ ب سەرخوەبوونا کوردستانێ بکەن ب مەرجەکی ئەو دەولەتا نوو ئاساییشا نەتەوەیی یا تورکیا ل بەرچاڤ بگریت.
کەنالێ تەرەتە یێ تورکیا ئاشکرا کر؛ مەولوود چاویشئۆغلو، وەزیرێ دەرڤە یێ تورکیا راگەھاندیە، ئەو بەرھەڤن دانپێدانێ ب سەرخوەبوونا کوردستانێ بکەن، ب مەرجەکی ئەو دەولەت ئاساییشا نەتەوەیی یا تورکیا ل بەرچاڤ بگریت، رێککەفتنێن سەربازی ژی د ناڤبەرا ھەردو ئالییان دا ھەبن و ئەو دەولەت نەھێلیت چو ئالی ئاخا وێ دژی تورکیا بکاربینیت.
پشتی بریارا کرنا رێفراندۆمێ و بەرھەڤییێن ھەرێمێ بۆ وێ پرسێ، رۆژانە ھەلوەستێن جودا ژ وەلاتێن دەڤەرێ و جیھانێ دھێنە ئاشکرا کرن، تا نھا ژی ب تنێ کۆمارا ئیسلامییا ئیرانێ ب ئاشکرایی دژاتیا خوە بۆ رێفراندۆمێ ئاشگرا کریە.
تُتاح هذه الصورة أيضا في: کوردی