كلیپەك لسەر كچ و ژنێن گرتیێن ئێزدی هاتە تۆماركرن
تۆرا لالش یا راگەهاندنێ
كلیپا نوو یا هۆنەرمەندێ چیایێ شنگالێ(زێدان خەلەف حسنی)ل سەر كچ و ژنێن گرتیێن ئێزدی ددەستێ داعشێ دا ب داوی هاتیە،ب كوالێتەكا پێشكەفتی هاتیە تۆماركرن و ل نێزیك دێئێتە بەلاڤكرن.
هۆنەرمەندێ چیایێ شنگالێ (زێدان خەلەف حسنی) بۆ رۆژناما دەنگێ لالش گۆت:ئەڤ كلیپ ژ پەیڤێن هۆزانڤان حەسنكۆ شنگالی نە و ئاواز ژی ژلایێ بابێ منڤە بۆ هاتیە دانان و هاتیە تۆماركرن و كارێ دەنگی ل ستودیۆیا (ماهر شنگالی) هاتیە ئەنجام دان وكارێ وێنەگریێ ژلایێ وێنەگەر سەلام خانكی ڤە هاتیە وێنەكرن،ستران ب خۆ ژی لسەر كچ و ژنێن گرتیێن ئێزدی ددەستێ داعشێ دایە،كارێ كلیپێ ب داوی هاتیە و ب كوالێتەكا گەلەك پێشكەفتی هاتیە تۆماركرن و ل نێزیك دێ ل سەر كەنالێن تلەڤزیۆنی ئێتە بەلاڤكرن.
حسنی ئاماژەكر،ژبەر هاریكاریێن ماددی زۆر كارتێكرن ل وان كریە وەك هۆنەرمەندێن شنگالێ كو هاریكاریا وان یا ماددی گەلەك یا كێمە،داخوازێ ژ جیێن پەیوەندار دكەین خۆ ل هۆنەر و هۆنەرمەندێن چیایێ شنگالێ بكەنە خودان،ژبۆ كو پتر خزمەتا هۆنەرێ كوردی و خۆ بكن.
تُتاح هذه الصورة أيضا في: کوردی