محەممەد هاودیانی: رێژا بێکاريێ ل کوردستانێ بۆ 15% نێزیک بوويه
رووداو – هەولێر
وەزیری کار و کاروباری کۆمەڵایەتی ئاشکرایکرد، رێژەی بێکاری لە کوردستان لە 15% نزیکبووەتەوە، بەپێی هەندێک ئاماریش رێژەکە لەو ژمارەیە تێپەڕی کردووە.
لەکاتی بەشداری لە کردنەوەی دووەم پێشانگەی روانگە فورەس-2017 لە شاری هەولێر، محەممەد هاودیانی، وەزیری کار و کاروباری کۆمەڵایەتی گوتارێکی پێشکەشکرد.
محەممەد هاودیانی گوتی “بەپێی ئەو ئامارانەی لەبەر دەستی وەزارەتی کار و کاروباری کۆمەڵایەتین، 67 هەزار گەنجی دەرچووی زانکۆ و پەیمانگاکان بێکارن، لەوانە 26 هەزاریان لە رەگەزی نێرن و 41 هەزاریشیان لە رەگەزی مێن”.
وەزیری کار و کاروباری کۆمەڵایەتی راشیگەیاند، رێژەی بێکاری لە 15% نزیکبووتەوە، “ئەم رێژەیە زۆرە و بە پێویستی دەزانم کەرتی تایبەت بەهێز بکرێت و هەلی کار بۆ گەنج و لاوان بڕەخسێنرێت”.
تُتاح هذه الصورة أيضا في: کوردی