شێوەكار خدر دحام:شێوەكارێن ئێزدی كارینە ناما گەلێ خۆ یێ چەوساندی بگەهیننە جیهانێ
تۆرا لالش یا راگەهاندنێ
شێوەكارێ ئێزدی(خدر حەجی دحام) ل وەلاتێ فەرەنسا ئاكنجی یە، د دیدارەكێ دا بۆ رۆژناما دەنگێ لالش راگەهاند،پشتی روودانێن شنگالێ پتر وێنەكرنا تابلۆیێن هۆنەری وكارێن خۆ ئێخستینە سەر بارودۆخێ دەردەسەریێ ئەوێ گەلێ مە یێ ئێزدی تێدا دبۆرت،هەروەسا ئازارێن ئێزدیان و زۆرداریا ب سەر داهاتی ب رێیا هۆنەری نیشا جیهانێ ددەم،ئاشكەراكر ژی هۆنەرمەندێن شێوەكارێن ئێزدی ل ناڤ عێراقێ و ژ دەرڤەكارینە ناما گەلێ خۆ یێ چەوساندی بگەهینن.
سەبارەت وێنەكرنا تابلۆیێن هۆنەری(دحام)دیاركر،هەر ژ دەستپێكا كاروانێ خۆ یێ هۆنەری گەلەك بابەتان وێنەدكەم ب شێوازێ خۆ یێ تایبەتو بكێركێ و فرچە وێنان دكێشم،پشتی روودانێن شنگال پتر كارێن خۆ ئێخستن سەر بارودۆخێ دەردەسەریێ ئەوێ گەلێ مە یێ ئێزدی تێدا دبۆرت و قیزیێن زارۆك و ژنان و كۆمكوژیا بكۆم یا گەلێ مەئێشاندی ژ كوشتن و گرتن و سەبیكرن و روخسارێ كرێتێ داعش و دیاركرنا تاوانێن وان یێن ئەنجامداین دژی ئێزدیان ودیاركرنا لالش كو ئەو قوبلەتا مەیە و رۆژی و رۆناهی و هێمایێن دیتر كو پیرۆزن دژیانا گەلێ ئێزدی دا ل شنگال و لالش و باشیك و بەحزانێ و وەلات شێخ.
دەربارەی گەهاندنا ئازارێن ئێزدیان بۆ جیهانێ ناڤهاتی ئاشكەراكر،پشتی كارەساتا شنگالێ من قەستا فەرەنسا كر و هەموو كارێن خۆ یێن هۆنەری گەل خۆ برن ، دەمێ گەهشتیم وی وەلاتی كۆمەكا كارێن هۆنەری ل دۆر ئازارێن گەلێ ئێزدی وێنەكرن و پشكداری دچەند پێشانگەه وچالاكیان دا كر و ب وان هەموو پێشانگەها و ب رێیا هۆنەرێ خۆ و هەتا نۆكە ئەو زۆرداریا ب سەرێ گەلێ مە دا هاتی نیشا جیهانێ ددەم .
ل دۆر رۆلێ هۆنەرێ شێوەكاریێ ئێزدی بۆ گەهاندنا جینۆسایدا ئێزدیا،شێوەكاری گۆت:پشتی روودانێن ب سەرێ گەلێ ئێزدی هاتین ل عێراقێ و ب تایبەت چیایێ شنگالێ ژبال تیرۆرستێن داعشێ ڤە ،ئەوا ئێزدی تووشبووینێ ژ تاوان و كۆمكوژیا بكۆم ،هۆنەرمەندێن شێوەكارێن ئێزدی ل ناڤ عێراقێ و ژ دەرڤە دەست پێشخەری كرن بۆ بەرەڤانیكرنێ ژ گەلێ وان یێ ئێزدی ب رێیا رۆلێ هۆنەرێ شێوەكاری بۆ كو كارێ وان یێ هۆنەری بكەڤنە پیشانگەهێن ئەوروپا بۆ ڤەگوهاستنا روودانێن دەردەسەری و وەرگێرانا وان ب هۆنەری بۆ جیهانێ و كارین ناما گەلێ خۆ یێ چەوساندی بگەهینن ب رێیا پشكداریا وان دپیشانگەهێن ب تنێ و بكۆم بۆ دانەنیاسینا جیهانێ.
ل سەر ڤەكرنا پێشانگەهان ل ئەوروپا شێوەكاری رۆنكر،ل ئەوروپا من پشكداری دچەندین پێشانگەهان دا كر و ب تایبەت ل وەلاتێ فەرەنسا پشتی هاتیمە وی وەلاتی.
هەروەسا ل سەر بەرێ خۆ دانا هۆنەرمەندێن ئەورۆپی بۆ جینۆسایدا ئێزدیان ل 3ئابا 2014ێ(خدر حەجی دحام)دبێژت:بەرێ خۆدانا هۆنەرمەندێن ئەورۆپی بۆ پرسا جینۆسایدێ و ئەوا گەلێ ئێزدی تووشبووینێ پر خەمگینن ،ب رێیا پێشانگەه و پشكداریێن مە ل پێشانگەهان،هۆنەرمەندان و گەلێ ئەورۆپی راستی و تاوانێن كرێت یێن داعشێ دژی مرۆڤایەتیێ دیتن و ئەو هەڤخەمن دگەل گەلێ ئێزدی.
ل داویێ ل دۆركارێن خۆ یێن نوو دا زانین،كارێن نوو یێن وێنەی من هەنە و دوێنەیی دا هێشتا یێ كۆمەكا تابلۆیان وێنەدكەم،كو ژمارا وان دێ بتە 74 كو ب رێژا 74هەوێن كۆمكوژیا بكۆم دژی گەلێ مە د درێژاهیا دیرۆكێ دا و هەتا نۆكە ل سەر كورێن رۆژێ و ئازارێن وان.
تُتاح هذه الصورة أيضا في: کوردی