وەزارەتا کارەبێ: دانانا پیڤەرێن زیرەک بەردەوامە
بادينان سات
پەیڤدارێ وەزارەتا کارەبا ھەرێما کوردستانێ دبێژیت: کارکرن ل سەر دانانا پیڤەرێن زیرەکێن کارەبێ بەردەوامە، لێ ژ بەر رەوشا دارایی، دشیاندا نەبوویە ئەو ب تمامی بھێتە بجە ئینان.
محەمەد ئەمین ھەورامی پەیڤدارێ وەزارەتا کارەبێ گۆت: کاری ل سەر ھندێ دکەین کارەبا ھەرێمێ وەکی یا ھەمی جیھانێ خۆ بژینیت، ئەو ژی ب کۆنترۆلکرنا ھەڤپشکێن کارەبێ، نەخاسمە ژی ھەڤپشکێن مەزنێن وەکی کارگەە و دام ودەزگەھێن حکومی.
ھەورامی د پەیڤەکا رۆژنامەڤانی دا گۆت: مە دڤێت مفای ژ شیانێن کەرتێ تایبەت وەرگرین بۆ دابەشکرنا کارەبێ و کۆمکرنا داھاتی و نەھێلانا زێدەگاڤییان ل سەر کارەبێ، کو ل عیراقێ ژی کار ل سەر ڤێ پلانێً دھێتە کرن.
ل دویڤ زانیارییان ژی، ل پارێزگەھا ھەولیًَر و ھندەک دەڤەرێن دی، وەک تاقیکرن پیڤەرێن زیرەک ھاتینە دانان رێڤەبەرێ کارەبا وێ پارێزگەھێ ژی دبێژیت کو سێ کۆمپانیا ب وی کاری رادبن، لێ ئەنجام ل نک وەزارەتا کارەبێ نە.
تُتاح هذه الصورة أيضا في: کوردی