شێخ شامۆ: ریفراندۆم كلیلا چارەسەریا ئێش و ژان ودەردو داخوازیێن مەیە
تۆرا لالش یا راگەهاندنێ
د كۆنفرانسێ كوردستان هەڤپەیمانا ستراتیژی یا ئەمریكا ل كۆنگرێسێ ئەمریكا ،بەرێز “شێخ شامۆ” ئەندامێ ئەنجومەنێ بلند یێ ریفراندۆما كوردستانێ پەیڤەك پێشكێشكر.
دوهی رۆژا ئینیێ 28تەمووزا 2017ێ و ب پشكدارییا ب دەهان نڤیسەر و كەسایەتیێن سیاسی و سەربازی،ل كۆنگرێسێ ئەمریكا كۆنفرانسەكێ تایبەت ب ریفراندۆما هەرێمێ دەستپێكر.
دپەیڤا خۆ دا بەرێز “شێخ شامۆ” راگەهاند:”وەختەكێ باشە ئەڤ كۆنفراسە هاتە ئەنجامدان دگەل بۆرینا سێ سالا لسەر وێ مەرگەساتا مەزنا ب سەرێ مەهاتی ل 3/8/2014ێ و پێنج رۆژ ماینە تەمام ببن و بنە سێ سال،سلاڤ ل گیانێ وان جانگۆریێن یێن خوونا خۆ رژاندی ژبوونا ئازادیا دەڤەرێن مە پێشمەرگەیێ قارەمان،سلاڤ و سوپاسی بۆ ئەمریكا و هەڤپیەمانێن وێ ل وان رۆژێن سەختێن دژوار ل گازیا مە هاتی،ئەم دبێژن هەلگرێن دوو قەدەرانە د درێژاهیا دیرۆكێ دا قەدەرەكا ئایینی و ئێكا جوگرافی،دەمێ مرۆڤ تەماشەی ڤێ كارەساتێ و ئەو زوولم و زۆردارییا ل مە هاتیە كرن و ئێش و ژانێن ل پشت خۆ هێلاین دیمەنەك دسەرێ مرۆڤی دا دزڤرت گەلۆ د درێژاهیا دیرۆكێ دا هندە جینۆسایدێن ژ ڤێ مەزنتر ب سەرێ مە هاتبوون و هەتا سالێن بیستان ئەم بەرمایێن 72جینۆسایدان بووین تنێ چنكو مە بیروباروەێن خۆ یێن ئایینی نە دگوهارتن و ئاخا خۆ یا كوردستانێ چۆل نەدكر”.
هەروەسا شێخی دپەیڤا خۆدا دیاركر:”ئیرۆ دجیهانێ هەموویێ دا ئەم ملیۆنەكێ تەمام ناكەین،كوردستان بوو چار پارچە و ئێزدی ژی بوونە چار پارچە و ئەم ل باشوورێ كوردستانێ ژ سەدێ 65هەتا 600000هەزار كەسێ ئێزدی تەمام دكن و ژبلی ئەنفال و تەعریبكرنێ و كوشتنا بكۆم و تەعریبكرنا ئایینی و نەتەوەیی هەتا سالا 2003ێ مە تشتەك ژ دەستهەلاتا سووننەیان نەدیت و ل 91ێ قەدەرا مە ئەو بوو ئەم بووینە دوو دەڤەر و دەڤەرەك 10%سەر ب دهۆكێ ڤە ئەم ئازاد بوون و دەڤەرەك سەدی 90%جڤاك و جۆگرافیەتا مە ما لبن رژێمێ”.
ژلایەكێ دیڤە گۆت:”ل 2003ێ مە گۆت دەڤەرێن مە ئازاد بوون و ژ دكتاتۆریەتێ قورتال بوون و سەر پشتا عێراقەكا فیدرال مە ژیانەكا تازە ئاڤادكر و هیڤی و ئۆمێدێن خۆ یێن تازە ئاڤادكرن و دەستوورەكی تازە هاتە دابینكرن،ب شاندەكێ هەڤپەیمانیا كوردستانی ب سەروەریا سەرۆك بارزانی و چەند خالێن گرنگ گرێدایی چارەنڤیسێ مە تێدا بوون هیڤی و ئۆمێدێن مە گەلەك گەشكرن ئێك مافێ پێكهاتان بێتە پاراستن و مافێن خۆ ل گۆر هەبوون و رێژەیا خۆ د هەموو دام و دەزگەهێن عێراقێ دا وەرگرن ، پێنگاڤا ئێكێ یا غەدركرنێ ل مە ئەم ئێزدی هەموو ب ئێك كورسیێ كۆتێ ڤە گرێدان پەرلەمانێ عێراقێ،لسەر ئاستێ پارێزگەها مووسلێ ژی ئەم ب ئێك كورسی ڤە گرێدان و مە لگەل هەڤپەیمانیا كوردستانێ شەش كورسی رێكرنە پەرلەمانێ عێراقێ و هەشت كورسی رێكرنە جڤاتا پارێزگەها مووسلێ و وان دشەرعیەتا وی كورسی را ئەم دیتن و مافێ مە خوارن،پێكۆلەكا مەزن سەرۆك بارزانی مەزاخت ئایینێ مە وەكو ئایینێ سێیێ بێتە قەبوولكرن و رژدیەكا مەزن كر و گۆت ئەڤ مللەتە یێ چەوساندی یە د درێژاهیا دیرۆكێ دا و چەوساندن دیتیە دڤیا مافێ وی بێتە پاراستن و گرەنتیا پاشەرۆژا وی بێتە كرن و ئایینێ مە وەكو ئایینێ سێیێ هاتە قەبوولكرن د دەستوورێ تازە یێ مە پێكڤە دەنگ دایێ”.
دبەردەوامیا پەیڤا خۆ دا ئاشكەراكر:”دەڤەرێن مە ژی ل گۆر مادا 140چارەنڤیسێ وان ب ریفراندۆمەكێ دێ ئێكلا ببە ،ئەڤ 10سالن ئەم ل بەندا ریفراندۆمێ و حكومەتێن عێراقێ و ب تایبەت حكومەتا مالكی ئاسێ و ئالۆزكر و وێ ڤالاهیا ئەمنی وململانا مەزهەبی هێلا داعش بێتە خوولقاندن و هەر ژناڤ ئەرەبێن دەردۆرێن مە داعش چێبوو و 95%ژ خەلكێ دەڤەرێ بوو ئەوێن ئەڤ فەرمانە ب سەرێ مەدا ئیناین و 5%بیانی بوون ژ داعش و ئەو دەستوورێ ئایینێ مە تێدا یێ سێیێ بوو دەستوور ناسنەكرن و ئەو فەرمان ب سەرێ مە ئانین”.
دەربارەی ژمارا جانگۆریێن كارەساتا شنگالێ گۆت:” ژمارا جانگۆرییان( 1293)و زارۆكێن ئێتیم ماین( )2745وژمارا رەڤاندییان( 6417)و ژمارا یێن رزگاربوویی لسەر دەستێ حكومەتا هەرێما كوردستانێ و دام و دەزگەهێن مە یێن ئەمنی یێن كوردستانێ( 3050)و ژمارا وان كەسان یێن دناڤ د دەستێن وان كافران دا ماین( 3367)،ئەگەر جانگۆریێن پێشمەرگەی( 1700)بن (700)ژێ ژبوونا شنگالێ و ئازادكرن و دەردۆرێن وێ دان و ئەگەر ئاوارە ملیۆنەك و (700)بن ل كوردستانێ(350)هەزار ژێ ئێزدی نە ل وەلاتێ خۆ پەریشان و ئاوارە دژین”.
ل داوییا پەیڤا خۆدا شێخی خویاكر:” پەیام و هیڤیا من ئەوە ئەگەر ئەمریكا و هەڤپەیمانێن وێ و جیهانا ئاشتیخواز كا چاوا ل هاوارا مە هاتن هاریكاریا سەربازی و مرۆڤایەتی ژمەرا كرن، لڤێ قۆناغا هەستیار ژی هاوارا مە وەرن و ئەگەر بڤێن ئەو موزایكێ رەنگین یێ پێكهاتێن كوردستانێ ل دەردۆرێن مووسل بڤێن كو ژ مرۆڤا چۆل نەبە، بلا دەرفەتێ بدەنە مە ریفراندۆم حكومەتا عیراقێ نەكر و لڤێ ریفراندۆمێ پشكدار بن و ئەم ب دەنگی خۆ چارەنڤیسێ خۆ ئێكلا بكن، چنكو ئەم دبینن ریفراندۆم كلیلا چارەسەریا ئێش و ژان ودەردو داخوازیێن مەیە بۆ ئایندەیەكێ گەشتر.
تُتاح هذه الصورة أيضا في: کوردی