کچ وژنێن ئێزدیان ل ھەموو کەمپێن ئاواران دەست ب خرڤەبوونێ کرن
باسنيوز:
بەرپرسا ئیکەتیا ئافرەتێن کوردستانێ لقی شنگال دیارکر کو ئەڤرۆ 3\8\2017 کچ وژنێن ئێزدیان ل ھەموو کەمپێن ئاواران ل پارێزگەھا دھۆک، دەست ب خرڤەبوونان کرن وداخواز دکەن ھەموو رەڤاندی بھێنە رزگارکرن.
دلڤین خەلەف، بەرپرسا ئیکەتیا ئافرەتێن کوردستانێ لقی شنگال بۆ(باسنیوز) دیارکر:” شەرمەزاریە بۆ جڤاکی نێڤدەولەتی و حکومەتا عێراقی ھەتا ئەڤرۆکە بۆ رزگارکرنا کچ وژنێن ئێزدی یێن ھاتینە رەڤاندن ل سەردەمێ حکومەتا مالیکی ژلایێ تیرۆرستێن داعش ڤە چوو پێنگاڤ وچوو پلان وبەرنامە ژێ نە دانایە.
دلڤین خەلەف گۆت ژی، ب پشتەڤانیا حکومەتا ھەرێما کوردستانێ ب تایبەتی سەرۆکێ حکومەتا ھەرێمێ ھەتا نوکە پتر ژ سێ ھزار خوشک و دایک و زارۆکێن مە یێن ھاتینە رزگارکرن.
ئەوژی دیارکر:” ھەر ژ رۆژا ٣/٨/٢٠١٤ خەلکێ دھۆک و زاخۆ وئاکرێ و ئامیدیێ و شیخان وھەولیر و ھەموو دەڤەرێن دێ یێن کوردستانێ دەرگەھێن مالێن خوە بۆ کوردێن ئێزدی ڤەکرن ئەڤە چوو جاران ناھێتە ژبێرکرن ئەڤە یەکی ئەم ھانداینە ب دەنگی (بەلێ) بۆ رێفراندۆمێ بۆ سەربەخۆیا کوردستانێ بریاری ل سەر چارەنڤیسی خوە بدەن ئەم نەشین دگەل عێراقی بژین”.
تُتاح هذه الصورة أيضا في: کوردی