تنێ بوون و دووربوون ژ کۆمەلگەهێ هەرەشەن لسەر ساخلهميێ
رووداو- هەولێر
توێژینەوەیەکی نوێی ئەمریکی دەریخستووە هەرچەندە قەڵەوی هەڕەشە لە ژیانی زیاتر لە 30%ی ئەمریکییەکان دەکات، بەڵام هەریەکە لە تەنیایی و دووربوون لە کۆمەڵگەش هەڕەشەن لەسەر تەندروستی.
پزیشکانی زانکۆی یەنگ بریگهامی لە ئەمریکا دەڵێن تەنیایی و دابڕان لە کۆمەڵگە مەترسی مردنی پێشوەختە نزیکەی 50% زیاددەکەن.
ژولیان هۆلتلەنستاند، پڕۆفیسۆری دەروونی لە زانکۆ ئەمریکییەکە و سەرپەرشتیاری توێژینەوەکە دەڵێت تەنیایی و دوورکەوتنەوە لە کۆمەڵگا پەیوەندییان بە تەندروستییەکی خراپەوە هەیە و دەکرێت هۆکاری مردنی پێشوەختە بن. چونکە ئەوان زۆرتر تەندروستییان پشتگوێدەخەن و کەس نییە گرنگیان پێبدات.
سەرپەرشتیاری توێژینەوەکە دەڵێت مەترسی مردنی پێشوەختە لەنێو ئەوانەی کە پەیوەندییەکی کۆمەڵایەتیی بەهێزیان هەیە، 50% کەمترە، بە بەراورد بەوانەی کە لە کۆمەڵگا دابڕاون و تەنیا دەژین.
ژولیان هۆلتلەنستاند دەڵێت تیمەکەیان ئەوەی دۆزیوەتەوە کە تەنانەت مەترسی مردنی پێشوەختە بەهۆی تەنیایی یەکسان یان زۆرترە لە مەترسی مردن بەهۆی قەڵەوی.
نزیکەی 33%ی ئەمریکییەکان بەدەست قەڵەوییەوە دەناڵێنن، کە هۆکارێكی سەرەکی نەخۆشییەکانی دڵ و جەڵتەی مێشكە.
تُتاح هذه الصورة أيضا في: کوردی