هۆنەرمەندەكێ شنگالێ:كەسێ هۆنەرمەند دڤێت شارەزاییەكا باش دهۆنەری دا هەبت
تۆرا لالش یا راگەهاندنێ
هۆنەرمەندێ شنگالێ(فەرهاد قەپال)دەست ب چێكرنا شەش سترانان كریە و ل بەندا پشتەڤانیا جیێن پەیوەندیدارە كو كلیپ بكت و دەرد وئازارێن مللەتێ خۆ بگەهینت،دبێژت ژی هۆنەر هێزەكە ژێدەرێ وی ژئاخینێ دلێ مرۆڤی دەست پێ دكت و كەسێ هۆنەرمەند دڤێت شارەزاییەكا باش دهۆنەری دا هەبت.
فەرهاد قەپال،خەلكێ شنگالێ یە و نهۆ ل كەمپا خانكێ ئاكنجیە دكورتە دیدارەكێ دا بۆ رۆژناما دەنگێ لالش گۆت:ئێكەم كارێ من یێ هۆنەری چێكرنا كاسێتەكێ بوو ل سالا 2009ێ بناڤێ (گەنگێ تە بینم ) و پێنج كاسێت دی هەینە و داوی كارێ من ژی ل سالا 2017ێ دا چێكرنا شەش سترانا بوو،داخواز دكەم جیێن پەیوەندیدار پشتەڤان بن داكو بكارم هندەنك سترانێن خۆ كلیپ بكەم و دەرد وئازارێن مللەتێ خۆ بگەهینم و دوارێ هۆنەری دا خزمەتەكێ بۆ شنگالێ بكەم،هەروەسا هۆنەر هێزەكە كو ژێدەرێ وی ژئاخینێ دلێ مرۆڤی دەست پێ دكت و هەموو كەس نكارن ببنە هۆنەرمەند ژبەر ئەو كەسێ دڤێت ببتە هۆنەرمەند،پێتڤیە گوهێ ل هۆنەر هەبت وشارەزاییەكا باش هەبت،دا خەلك بێژت ئەڤ كەس هۆنەرمەندە.
ل داویێ گۆت:من دڤێت ئەز دووڤ رێبازا بابێ خۆ بم وسترانێ بێژم،ژبەر بابێ من گەلەك سالا خزمەتا سترانا شنگال كرییە.
تُتاح هذه الصورة أيضا في: کوردی