دهۆك.. لژنەكا هەڤپشك بۆ ڤەكرنا گۆرێن ب كۆم ل شنگال دئێتە پێكئینان
باسنيوز:
رێڤەبەرێ كاروبارێن شەهید و ئەنفالكریان ل پارێزگەها دهۆكێ دیاركر كو لێژنەك هەڤپشك د ناڤبەرا وەلاتێن بیانی و حكومەتا هەرێما كوردستانێ و بەغدا دهێتە پێكئینان بۆ ڤەكرنا گۆرێن ب كۆم ل قەزا شنگال.
رەجەب ئیبراهیم جاسم، رێڤەبەرێ كاروبارێن شەهید وئەنفالكریان ل پارێزگەها دهۆكێ، بۆ (باسنیوز) دیاركر: “ل نێزیك دێ گۆرێن ب كۆم ل شنگال هێنە ڤەكرن. ب شیوەیەكێ زانستی هەموو هێنە دیكۆمێنتكرن. بۆ جینۆساید ناساندنا كارەساتا شنگال كار ل سەر پێك ئینانا لێژنەكا هەڤپشك ژی دهێتە كرن. دناڤ لێژنێ دا دێ نوونەرێن هەرێما كوردستانێ و بەغدا و دەولەتێن بیانی ژی پشكداربن دەمێ ڤەكرنا گۆرێن بكۆمدا وهەموو هەستیك ژی دهێنە پیشكنین كرن”.
خویا ژی كر: “پتر ژ 38 گۆرێن ب كۆم یێن كوردێن ئێزدی ل قەزا شنگال د وەختەكێ نێزیكدا دهێنە ڤەكرن. جارێ مە نەڤێت لەز كارێدا بهێتە كرن چونكو ئەڤ كۆلانا گۆرێن ب كۆم گرێدایی چارەنڤیسێ خەلكێ زەره‌رمەندێ شنگالێ یە”.
تُتاح هذه الصورة أيضا في: کوردی