100 فێرخوازێن پەنابەرێن سووریێ دێ ل زانکۆیێن هه‌رێمێ هێنه وه‌رگرتن
WAAR-دهۆك:
وەزارەتا خواندنا بلند و لێکۆلینێن زانستی بریار دا، سەد فێرخوازێن پەنابەرێن سووری ل زانکۆیێن ھەرێما کوردستانێ بھێن وەرگرتن.
ل گۆری راگەھاندنەکا وەزارەتا خواندنا بلند و لێکۆلینێن زانستی، ب پشتەڤانییا ئێکەتییا ئەورۆپا بۆ فێرخوازێن پەنابەرێن سووری یێن ل ھەرێما کوردستانێ، بریار ھات دان سەد فێرخواز ل زانکۆیێن ھەرێما کوردستانێ بھێن وەرگرتن، ئاماژەکر ل دووڤ بەرنامەیێ ئێکەتییا ئەورۆپا کرێیا خواندنا وان فێرخوازان کو دێ ب سیستەمێ پارالێل دەست ب خواندنا خوە کەن، کەفتییە سەر ژمارەیا بانکی یا زانکۆیان.
وەزارەتا خواندنا بلند دازانین ژی، ئەو چاڤەرێ دکەن ل سالا بھێت، بەرنامەیێ وەرگرتنا فێرخوازێن پەنابەرێن سووری ل زانکۆیێن ھەرێما کوردستانێ بەرفرەھتر لێ بھێت.
تُتاح هذه الصورة أيضا في: کوردی