ھەرێم بۆ بەغدا: لێڤەبوون ژ ژڤانێ رێفراندومێ نینە
WAAR-دهۆک:
كۆمبوونێن شاندا جڤاتا بلندا رێفراندومێ ل بهغدا بهردهوامن، شاندا ههرێمێ بهرپرسێن بهغدا هایداركرینه كو لێڤهبوون ژ بریارا رێفراندومێ نینه.
د سێیهم رۆژا سهرهدانا بهغدایێ دا، شاندا جڤاتا بلندا رێفراندومێ ئهڤرۆ دگهل سهلیم جبووری سهرۆكێ جڤاتا نوونهرێن ئیراقێ و كهسایهتیێ دیارێ سوننهیا كۆمبوون و ههر ئهڤرۆ ل دۆر بریارا گهلێ كوردستانێ یا رێفراندومێ، ئهو شانده دێ دگهل نووری مالكی سهرۆكوهزیرێن بهرێ یێ ئیراقێ و سهرۆكێ حزبا دهعوه كۆمبن.
دكتور رۆژ نووری شاوهیس سهرۆكێ شاندا جڤاتا بلند یا رێفراندومێ بۆ بهغدا، د پرێس كۆنفرانسهكی دا گۆت: وان ب ئاشكرایی گۆته بهرپرسێن ئیراقی، رێفراندوم دێ هێته كرن و پێدڤییه ب دانوستاندن و ئاشتیانه تێكگههشتن دروستببیت و ئهو ژی ههڤرابوون كو پێدڤییه دانوستاندن بهردهوامبن.
دكتور رۆژی رهتكر ژی شاندا ههرێمێ د كۆمبوونا دگهل عهبادی دا دوپاتی ل ئێكپارچهییا ئاخا ئیراقێ كربیت، بهرۆڤاژی بۆچوونا شاندی ئهوبوویه كو رێفراندوم چارهیا ههموو كێشهیێن دناڤبهرا ههولێر و بهغدایێ دایه و پاشڤهزڤرین ژێ نینه.
بهریا دو رۆژان شاندا ههرێمێ گههشتبوو بهغدا و ئێكهم كۆمبوونا وان دگهل حهیدهر عهبادی سهرۆكوهزیرێن ئیراقی بوو، پاشان دگهل سهرۆككۆمارێ ئیراقێ و سهرۆكێ رهوتا حكمه یا نشتیمانی و بالیۆزێن ههرسێ وهلاتێن ئهمریكا، توركیا و ئیرانێ كۆمببوون.
تُتاح هذه الصورة أيضا في: کوردی