نێچیرڤان بارزانی – وەزارەتا پەروەردێ دێ گرنگیەکا زێدەتر ب ئاستێ زانستیێ ماموستایان دەت
ئەڤرۆ نیوز:
سەرۆکێ حکومەتا ھەرێما کوردستانێ د چارچوڤێ کونفرانسەکێ پەروەردەیی دا ل ھەولێر دیارکر کو سەرەرای کو بودجا وەزارەتا پەروەردێ ھاتیەبرین بەلێ ل گەل ڤێ یەکێ ژی گورانکاریێن مەزن د پروسەیا پەروردێ دا ھاتینەکرن ، و بو ئایندە ژی حکومەتا ھەرێمێ پێنگاڤێن باشتر بۆ پروسەیا پەروەردێ ھەنە.
ئەڤرۆ سپێدێ نێچیرڤان بارزانی سەرۆکێ حکومەتا ھەرێما کوردستانێ د چارچوڤێ کونفرانسێ ڤەکولینا خەرجی و مفایێن پەروەردەیی ل ھەولێر دیارکر کو کەرتێ پەروەردێ رۆژ ب روژێ بەر ب باشتر ڤە دچیت و گۆت: (گرنگیدان ب سیستەمێ پەروەردە و فێرکرنێ و دابینکرنا پێدڤیێن ماموستا و قوتابی و قوتابخانان و گرنگیدان ب ئاستێ زانستیێ ماموستایان و ئەنجامدانا ڤەکولینان و کارێن دەستی و کێمکرنا نەخواندەواریێ ژ گرنگترین کارێن حکومەتا ھەرێما کوردستانێ بون بو کەرتێ پەروەردەێ ، ئەڤە سەرەرای کو بودجا وەزارەتا ھاتیە برین بەلێ ل گەل ڤێ یەکێ ژی وەزارەتا پەروەردەێ شیایە تا رادەیەکێ باش لسەر ئەوان ئاریشەیان زال بیت)
زێدەتر گۆت: (حکومەتا ھەرێما کوردستانێ رێژەیەکا زورا قوتابخانە درۆستکرینە و ئەڤ یەک ژی بوویە سەدەم کو رێژەیا نەخواندەواریێ ب رێژەیەکا بەچاڤ بەر ب کێمبوونێ ڤە بچیت ، نھا د بەرنامەیێ حکومەت و وەزارەتا پەروەردێ دایە کو گرنگیەکا زێدەتر ب کەرتێ پەروەردێ ب دەت ئەو ژی ب رێیا دانانا سیستەمەکێ پەروەردەیێ جیھانی لسەر بنەمایێن زانستی ژبەرکو سیستەمەکێ پێشکەفتی دێ جڤاکەک ساخلەم و باشتر ئاڤا کەت)
تُتاح هذه الصورة أيضا في: کوردی