بارزانی: ب چ رهنگان ريفراندۆم نائێته پاشخستن
WAAR-دهۆك:
سهرۆكێ ههرێما كوردستانێ د ههڤپهیڤینهكێ دا رهتكر كو ل سهر داخوازا ئهمریكا یا پاشخستنا رێفراندومێ رازی ببیت و راگههاند؛ ب چ رهنگان قهبوول ناكهن رێفراندوم بهێته پاشخستن.
مهسعوود بارزانی سهرۆكێ ههرێما كوردستانێ، د ههڤپهیڤینهكێ دا دگهل رۆژنامهیا عوكاز یا سعوودی گۆت: وهزیرێ دهرڤهیێ ئهمریكا د پهیوهندییا خوه یا تلهفونی دا، داخواز ژێ كر رێفراندومێ پاشبێخیت، لێ ئهو رازی نهبوو و ب چ رهنگان ژی رازی نابن كو رێفراندوم بهێته پاشخستن، لێ ئهو رازیبووینه كو دگهل بهغدا دانوستاندنان بكهن و چ گاڤهكێ بێی دانوستاندن و رێیێن ئاشتیانه نههاڤێن.
سهرۆك بارزانی دهربارهیی كۆمارا ئیسلامی یا ئیرانێ گۆت: ههرێم ههموو دهمان دخوازیت باشترین پهیوهندی دگهل جیرانێن خوه ههبن، دهرباری ههژموونا ئیرانێ ل سهر دهڤهرێ ژی، بارزانی دا زانین، بریارا مهیا رۆنه و مه نهڤێت دگهل ئیرانێ بكهڤینه چ شهڕان و مهحاله ژی ئهو رێ بدهن كو ئیران ههژموونا خوه ل سهر كوردستانێ بسهپینیت.
سهرۆكێ ههرێمێ دهربارهیی پهكهكێ و ههبوونا ئیخوانان ل كوردستانێ ژی بهرسڤا پرسهكا رۆژنامێ دایه و گۆتییه، سهلهفی و حزبێن ئیسلامی ل كوردستانێ ههنه و كاركرنا وان یا مهقبووله، لێ ئیخوان نینن، دا زانین ژی: پارتا كاركهرێن كوردستانێ پهكهكه، پارتهكا كوردی یه و ب دیتنا وان تیرۆرست نینن.
دهربارهیی توركیا ژی سهرۆك بارزانی گۆت: د ئهزموونا 25 سالێن بووری دا، ههرێمێ پهیوهندیهكا ستراتیژی دگهل وی وهلاتی دروست كر و سهلماند كو چ جاران نابیته گهف ل سهر توركیا، بهرۆڤاژی پێشكهفتنا رهوشا سیاسی، ئێمناهی، بازرگانی و ئابووری ل ههرێمێ كاریگهرییا خوه ل سهر توركیا ژی ههیه.
تُتاح هذه الصورة أيضا في: کوردی