جۆتیارێن شنگالێ دخوازن بەرهەمێ وان بۆ دەرڤەی كوردستانێ بێتە هنارتن
تۆرا لالش یا راگەهاندنێ
جۆتیارێن شنگالێ كو خوەدی چەندین بیستانێن چاندنێ نە ئاماژێ ب وێ چەندێ ددەن كو ژبەر هاتنا فێقی و چەند بەرهەمێن دی ژ دەرڤەی وەلاتی بۆ ناڤ كوردستانێ،كارتێكرن ل وان بوویە و وەك پێتڤی ژلایێ مادیڤە چ مفا ژ داهاتێ بەرهەمێ خۆ نە دیتینە،ژ حكومەتا هەرێمێ دخوازن ماندیبوونا وان بەر بئاڤێ دانەچت و بەرهەمێ وان بۆ ژدەرڤە بێتە هنارتن.
دڤی واری دا(قاسم عەتۆ)خودانێ بیستانەكێ چاندنێ یە دبێژت:رەوشا بیستانی گەلەك یاخراپە ئەگەر لسەر ڤی شێوەی ما،چنكو هەر رۆژ نێزیكی 300 سندۆقێن باجانكێن سۆر دگەل 50كیسێن خیارا وهەروەسا كەسكاتیا دی وەك فلفل وبامی ولۆبیا دبەمە گومركا گشتی یا قەزا زاخۆ لێ هێشتا ژلایێ مادی ڤە وەكو پێتڤی چ مفا ژی نەهاتیە وەرگرتن،زێدەباری پالێن ناڤ بیستانی ماندیبوونەكا مەزن دكارێ خۆدا دبینن ونێزیكی 7 هەیڤا ب كارێ بیستانی ڤە مژوول دبین و رۆژانە نێزیكی 12 دەمژمێرا لێ كاردكەین و دراڤێ ماندیوونا مە لێ دەرناكەڤت،ئەگەرێ ڤێ چەندێ ئەوە كو فێقی ژدەرڤەی وەلاتی دئێت و كارتێكرن لمە بوویە.
هەروەسا جۆتیار(خێرۆسلێمان)گۆت:رەوشا بیستانا نەهندە یا باشە ژبەر هاتنا گیایەكی دناڤ بیستانی دا بناڤێ(گوركیێ)كو گەلەك یێ زەرەرمەندە وهەتا كو هندەك جۆرێن فێقی وەكو باجانك وخیارا ژناڤ دبەت و بیستان پێتڤی ب دەرمانێن گەلەك ب بەها وزەحمەتەكە زۆر هەیە هەتا كو دگەهتە ئاستێ چنینێ،ژبەر هاتنا فێقیێ جۆراوجۆر ژدەرڤەی كوردستانێ و ژئەگەرێ هاتنا بازرگانێن بیانی رەوشا بازاری یا باش نینە،داخوازێ ژحكومەتا هەرێمێ دكەین كو بەرهەمێ وان بۆ ژدەرڤە بێتە هنارتن،دا مفایێ وان هەبت و ماندیبوونا وان بەربئاڤێ دانەچت.
سەرەرای ژیانا ئاوارەبوونێ،خەلكێ شنگالێ دەست ژ كەرتێ چاندنێ بەرنەدایە و ل دەڤەرێن پارێزگەها دهۆكێ و شنگالێ چەندین بەرهەمێن چاندنێ چاندینە و بوویە ژێدەرەكی ژیارێ بۆ چەندین خێزانان.
تُتاح هذه الصورة أيضا في: کوردی