مریدێن رێبازا پارتی و بارزانی ل وەڵاتێ ئەلمانیا باژارێ كولن ڤیستەفالا سەربەخۆیا كوردستانێ دگێرن
گەلێ كوردستانێ ھندی بێژی ئێش و ئازار دیتینە نھۆ ژی دەرفەتەك زێرین ھاتییە پێش ژ كەد و خەباتا كوردستانیا سەربەرز و ئازاد بژین ، لێ جيێ داخێ یە ھندەك كورد وەسا خۆ نیشادەن دێ رێگر بن بۆ ئاڤاكرنا دەولەتا كوردستانێ و دژی سەربەخۆیێ و ریفراندۆمێ ڕاوستن ، رەڤەندا كوردستانی ل ئەورۆپا ھێدی سەبر و ھەدار نەما ژ بەر ھەلویستێ ڤان خۆفرۆشا ، نامەكا بلەز بۆ وان كەس و نەیارێن گەلێ كورد و كوردستانێ ل باژارێ كولن ھنارت ،تێدا گۆت ئەڤە سەد سالا ئەم خەبات و تێكوشینێ دكەین بۆ سەربەخۆیێ و ئازادیا گەلێ كوردستانێ نە بۆ بن دەستیێ وغولامەتیا داگیركەرا و برایەتیا گەلان ،ئێدی ئەم چاڤەڕيێ دوژمنا نابین مە ئەنفال و كێمیا باران كەن و وەڵاتێ مە تەعریب كەن ،ئەرهب و تورك و فارس دبێژن ئەڤە یا مافێ ھەوە كوشتن و گڕتن و سێدارەدان ، نە دەولەتبوونا كوردستانێ ، ئەڤجار ئەم نابیت ل ھیڤیا وان ببين ،گەلێ كوردستانێ ئێدی بن دەستیێ و زوڵم و زۆرداریێ قەبول ناكەت ، ئەڤ رۆژ خەونا گەلێ مەیە ،ئەڤ سەد سالێن بۆرین تەنھا گەلێ مە قوربانی دان ل پێناڤێ كوردستانێ شۆرەش و سەرھلدان كرینە و قوربانی ل پێ رزگاركرنا كوردستانێ داین ژنوو ھندەك سەرمەیدارێن كوردستانێ كەمپینا دروست كەن ل پێناڤێ نەخێر بۆ سەربەخۆیی ،خەباتەكەر و كوردستانی و خێزانێن شەھید وپێشمەرگەھا قەبول ناكەن كەس ڕێگربت ل ریفراندۆمێ و ل سەربەخۆیا كوردستانێ،رەڤەندا كوردستانی ل ئەورۆپا بەری ھەر كەسی ھاتن سەر خەتێ و خۆ نیشا جیھانێ ھەموویێ دا ب ئالایێ كوردستانێ پشتەڤانیا خۆ دەربرین بۆ پشتەڤانیا ریفراندۆمێ و سەربەخۆیا كوردستانێ ب جۆش وخرۆشكا زۆر ھەموو پێكھاتێن كوردستانێ ژ ھەر چار پارچێن كوردستانێ پشكداری ڤێ ڤیستەفالا دیرۆكی بوون كو ھەموو دنیا سەرسۆرمان بوو ب رێژەیا بهرههڤ بوونێ و دەنگێ خۆ گەھاندن جیھانێ مە سەربەخۆ دڤێت ئێدی بەسە بن دەستی و زوڵم و زۆرداری ، ئەڤێن دبێژن نە وەخته و مە دەولەت نەڤێت نهۆ و خۆفرۆشن كەتینه بن دەستێ نەیارێن كوردستانێ ، دخوازن چ پتر بسەرێ گەلێ مە بینن ئەنفال كیمیاباران برینا قوتێ خەلكێ سڤیل نەدانا موچەیێ پێشمەرگەھی و بودجێ بن پێكرنا دەستوری و یاسايێن شەرعی ،نەھا دەم ھات و ئەم لێڤە نابین رۆژا ٢٥/٩/٢٠١٧ دڵنیابن ب ژمارەكا زۆرتر ژ ڤیستەفالا كولن دێ ئێینە سەر سندۆقێن دەنگدانێ و دێ بێژین بەلێ بۆ ریفراندۆمێ بەلێ بۆ كوردستانێ بەلێ بۆ سەربەخۆیێ دێ تەنا كەین دلێ دەیكێن شەھیدا ، لەوا د ڤێ ناما خۆدا دبێژین ئەڤ كەسێن ھاتینە سەردابرن و شاش بووين ل بریارا خۆ لێڤەبن ، ئيرۆ رۆژا ھەق و حەسابێ یە دێ چ بێژن كەس و كارێن شەھید و پیشمەرگەھێن بەرۆكێن شەری پارێزەرێن شەرهف وناموسا مە دێ ج بێژن پێشمەرگەھێن ئەیلول و گولانێ دنیا مەرگ و مرنا دێ ل ئاخرەتێ ژی ڕسوا و شەرمەزاربن ڤەگەرێن بەر بارێ ھەقیێ و بێژن بەلێ بۆ سەربەخۆیا كوردستانا دەیكا ھەزارھا شەھید و ئەنفالكریا ،گەلێ كوردستانێ گەلەك ستەم دیتیه پێخەمەت كوردستانێ نەبو قەسر و قولا بیە نە بۆ ملك و ئەملاكا بیا ،ژیان و ژیارا مە چاوا بت ئاریشە نینە یا گرنگ مە كوردا دەولەتەك ھەبت بناڤێ كوردستان ئەڤ ئالایێ پیرۆز و رەنگا و رەنگ لسەر بێتە جقاندن و مزگینا سەركەفتنا گەلێ كوردستانێ بدەین بارزانیێ بابێ روحی و نەتەوەیی و ھەموو شەھیدێن خۆ گۆری ئاخ و وەلات كری بێژن ئەڤ ئەم گەھشتین ئارمانجا خۆ دڵنیابن ئێدی كەس نكارت ھەوە تەپەسەر بكەت و پێل ئاخا كوردستانێ بكەت پێشمەرگەھ زێرەڤانە ل تخۆبێن كوردستانێ ،ھەربژی كوردێن دڵسۆز ل کیژ جى بت گرنگ نینە .. گرنگی ئـەوە توو ب شانازی ڤە ل ناڤ ڕێزێن مللەتی بی و خزمەتێ بكەی بۆ سەربەخۆیا كوردستانێ بژی كورد بژیت كوردستان.
تُتاح هذه الصورة أيضا في: کوردی