شنگال پشتی سێ سالێن ئاوارەبوونێ
رێناس دنایی
بەری رۆژا رەش ل (3/8/2014)ل شنگالێ، شنگەئال بوو وپێكڤەژیان و ئارامی بوو، ژهەموو ئۆلا ئێزدی و بوسلمان و و مەسیحییان پێكڤەژیان بسەر دبرن وەك خێزانەكێ،لێ ب مخابنی ڤە پشتی هاتنا رێكخراوا تیرۆرستیا داعشێ ب شێوەكی هۆڤانە ودرندانە هێرشی شنگالێ وكۆمەلگەه وگوندێن دەوروبەر كرن ودئەنجام دا ب هەزاران خەلكێ سڤیل وبێ گونەه بوونە قوربانی ودەربەدەر،ب تایبەت كچ وژن وزارۆك كو هەتا نهۆ ژی وەكو ئێخسیر د دەستێن وان دانە وكرین وفرۆتن ب وان دئێتە كرن دوور ژ هەموو یاسایێن مرۆڤایەتیێ.
هەتا نهۆ پتر ژ ١٠ هەزار كەسان زڤرینە سەر وارێ باب وكالا و ئەڤە بخۆ ژی پێنگاڤەكە هەری باشە هێدی هێدی هەموو خەلكێ مە یێ ئاوارە ڤەگەرتە ڤە،هەروەسا داخوازیێن خەلكێ مە ئەون ژبۆ رزگاركرنا ئەوان كچ وژن وزارۆك وزەلامێن هەتا نهۆ وەكو ئێخسیر د دەستێ تیرۆرستێن داعش دا و خەلكێ مە بێتە قەرەبووكرن لسەر ئەوان هەموو زەرەر وزیانێن مادی وگیانی و مەعنەوی، ورێ بێتە خۆشكرن ژبۆ ڤەگەراندنێ و دەڤەرێن مە جارەكا دی بێنە ئاڤەدانكرن و تاوانێن دژی خەلكێ مە هاتینە ئەنجام دان وەك جینۆساید بێنەناسكرن ژلایێ جڤاتا نێڤ دەولەتی ڤە و شنگال ببتە پارێزگەه سەر ب هەرێما كوردستانێ ڤە بت و پرۆژێن خزمەتكاری ل دەڤەرێ بێنە ئەنجام دان و ژێرخانا شنگال یا ئابووری بێتە ڤەژاندن،ژبۆ كو خەلكێ وێ بكارە ژین ژیارا خۆ ب نۆرمالی ب رێڤە ببە وەك هەر كەسەكێ دی.
تُتاح هذه الصورة أيضا في: کوردی