سترانبێژێ وەغەركری( قبال دومو خالتی) ب قوتابخانا سترانێ ل شنگالێ دئێتە هژمارتن
تۆرا لالش یا راگەهاندنێ
سترانبێژێ كۆچك ودیوانا ( قبال دوموخالتی ) ل سالا 1952ێ ل قەزا شنگالێ ژدایكبوویە،بابێ شەش كوران وسێ كچانە،ئێك ژسترانبێژێن خودان شیان وبەرنیاسە ل دەڤەرا بادینان ودەنگ خۆش بوو.
خالتی گەلەك رەنگ وجۆرێن سترانان دگۆتن ورۆلەكێ باش هەبوو دپاراستنا سترانا فلكلۆری دا و دتەمەنێ پازدە سالیێ دا ستران گۆتی نە وشێوازێ خۆ یێ تایبەت هەبوو دگۆتنا سترانان داو ل مال وكۆچك ودیوانێن مەزن وماقویلا ستران دگۆتن وبەرهەمەكێ باش ژسترانا ل دوڤ خۆ هێلایە،گەلەك حەژ دەنگێ هۆنەرمەندان برویێ شەرقی وعیدویێ كۆتی وپیرمجو دكر وبەهرا پتر ژ سترانێن وی لسەرفەرمانا وئەڤینیێ را بوون،تێتە هژمارتن وەكو قوتابخانا سترانێ ل شنگال ژبەر ب ئاوایەكی گەلەك باش ستران دگۆت وگەلەك لسەردەستێ وی فێری سترانێ بووینە.
ل رۆژا ئێكی بەهارێ رێككەفتی 7/5/1992ێ،قبال دومو خالتی ب ئەگەرێ روودانەكێ ل گوندێ گرزرەك وەغەركر.
تُتاح هذه الصورة أيضا في: کوردی