بریتانیا بهردهوامییا پشتهڤانیێ بۆ ههرێما كوردستانێ دوپاتكر
WAAR-دهۆك:
قوباد تالهبانی جێگرێ سهرۆكوهزیرێن ههرێما كوردستانێ ئهڤرۆ دگهل شاندهكی بلندێ حكومهتا بریتانیا ب سهرۆكاتییا ئهلیستر بێرت وهزیرێ دهولهتێ بۆ كارێن رۆژههلاتا ناڤین و پێشدابرنا نێڤدهولهتی كۆمبوو.
د كۆمبوونێ دا ههردوو ئالییان، پهیوهندیێن دو قوۆلی و رهوشا ههرێما كوردستانێ، گاڤێن چاكسازیێ و داوی قۆناغا شهڕێ داعشێ گۆتوبێژ ل سهر كرن.
قۆباد تالهبانی پهسنا حكومهتا بریتانیا كر كو ههردهم پشتهڤان و هاریكارا ههرێما كوردستانێ بوو، تایبهت د شهڕێ دژی تیرۆرێ دا و گۆت: حكومهتا ههرێمێ دخوازیت بهردهوامیێ ب پهیوهندیێن خوه و وهلاتی بدهت.
ل دۆر رهوشا ناڤخۆ یا ههرێما كوردستانێ ژی گۆت: بزاڤێن ڤهگهراندنا باوهریێ ل ناڤبهرا ئالیێن سیاسی یێن ههرێما كوردستانێ ب ئارمانجا دروستكرنا یهكدهنگییا سیاسی و جڤاكی بهردهوامن و دیاركر، ڤێ قۆناغێ ژ ههر وهختهكی زێدهتر پێدڤی ب یهك دهنگیێ ههیه، تایبهت د ب دهستڤهئینانا مافێن چارهنڤیسی دا.
ئهلیستهر بێرت، وهزیرێ دهولهتا بریتانیا بۆ كارێن رۆژههلاتا ناڤین پهسنا رۆلێ پێشمهرگهی د پاشڤهبرنا داعشێ دا كر و راگههاند؛ وهكو حكومهتا بریتانیا هاریكارییا ههرێما كوردستانێ دێ بهردهوام بیت، ههروهسا د پرسا چاكسازییان ژی دا، دوپات كر كو وهلاتێ وی دێ هاریكارا ههرێمێ بیت بۆ وێ یهكێ قهیرانان دهرباز بكهت.
تُتاح هذه الصورة أيضا في: کوردی