ب سەربەخۆیا کوردستانێ کوردێن ئێزدی دێ گەهنە مافێن خۆ یێن رەوا
دهۆک-KDP.info-
ئاوارەیێن شنگالێ و خەلکێ دەڤەرا شاریا ئاهەنگێن پێشتەڤانیکرنێ ل ئەنجامدانا ریفراندۆمێ ساز دکەن و دخوازن شنگال بهێتە سەرب کوردستانێ ڤە، جونکی سەرکردایەتیا سیاسی ل هەرێما کوردستانێ دێ ماف و ژیانا وان پارێزیت.
(خالد تەعلو)، ئێک ژ رێکخەرێن خرڤەبوونا جەماوەری ل شاریا، بۆ مالپەرێ فەرمیێ پارتی دیموکراتی کوردستان گۆت:” ب سەربەخۆیا کوردستانێ دێ کوردێن ئیزیدی گەهنە مافێن خویێن رەوا یێن ژلایێ دۆژمنێن مرۆڤایەتیێ ڤە هاتینە پێشلکرن بگرە ژ ئەنفال و دەربەدەرکرنێ و بن ئاخکرنا ب ساخ”.
ل 3ێ تەباخا سالا 2014ێ، تیرۆرستێن داعشێ هێرش کرە سەر خەلکێ شنگالێ و ب سەدان خەلکێ وان کوشتن و رەڤاندن و هندەک شیان خۆ ژ دەستێ تیرۆرستێن داعشێ رزگار بکەن و ئاوارەیی کوردستانێ بن، ژلایێ خەلکێ سنورێ پارێزگەها دهۆکێ ڤە پێشوازی لێ هاتە کرن، (خالد تەعلو) خویاکر:” ئەڤ پرسە بۆ هەمی پێکهاتەیێن کوردستانێ یە، ژبەر ڤێ ئێکێ مە ژی ب پرسەکا دیرۆکی دیت و خودانێن بریاردانێ بدەنگێ بەلێ بۆ نیشتمان هەر هەولاتینە و ئەرکە لسەر مە چارەنڤیسێ خۆ دیار بکەین”.
(خەلف شنگالی)، هەولاتیەکێ خەلکێ شنگالێ، بۆ مالپەرێ فەرمیێ پارتی دیموکراتی کوردستان زەلالکر:” ل هەمی دەمەکی کوردان ئەم پاراستینە و خو ل ئاریشە و نەخوشیێن مە کریە خودان، دهەمان دەمدا ئەم کوردێن رەسەنین و ئەرکێ مەیە خۆ ب بەرپرس و خودان بەرامبەر سەرکەفتنا ریفراندۆمێ بینین”.
تُتاح هذه الصورة أيضا في: کوردی