چاندنا گیانێ باوەری بخۆ هەبوونێ لجەم زارۆیان
شیلان عبدالمناف
هەلبەت زارۆك پێتڤی گرنگیدان وپەروەردەكرن وچاڤدێریەكا تایبەت هەیە ژلایێ دایك وبابێن خۆڤە.. هتد،لێ گەلەك جارا دایك بۆ نموونە:زارۆكێن خۆشیرەت دكەتن ودبێژتە وان:كو ئەگەر هاتوو ئاستەنگەك بۆ وان چێبوو،هەست ب مەترسیێ نەكن،چنكو دایكا هەوە هەردەم دگەل هەوەیە ودێ ئاریشەیێن وە چارەسەركەتن…باب ژی ب هەمان شێوە دێ زارۆیێن خۆ وەسا شیرەتكەتن:بۆ نموونە :باب دێ بێژتە: زارۆكێن خۆ نەترسن،هندی موچێ وی بێت،دێ سەرێ مەهێ بۆ هەوە پایسكلەكی وشیریناهێن هەوە داخازكری كڕم ..هتد.
نۆژدارێن دەروونناس :دبێژن : زارۆك هەر ژدەستپێكا تەمەنێ خۆ،هەتا كو دئێتە قۆناغێن سنێلەیێ ژی،ب وی كەسی ڤە دئێنە گرێدان،یێن خودان هێزوچەلەنگ،ئەڤ تشتە پتر دەروونێ زارۆكی ئارام دكەتن وهەست ب تەناهی وئێمناهیێ دكەتن ب هەبوونا كەسێن چەلەنگ وبهێز،هەروەسا دەروونناس:ئاماژێ ب وێ چەندێ دكن،كو ئەگەر دایك وباب تێبینی بكن،ل دەمێ پەخشكرنا (فلم كارتونان)،وەكی “سوپرمان “و “گریندایزەر” زارۆك وان ئەكتەرێن ئاشوپی (خەیالی)،ب نموونەیێن خۆ دزانن وب وان كەسایەتیێن فلم كارتونی ڤە دئێنە گرێدان،دەمێ تەماشەی (سوپرمان )دكن كو ژبلنداهیێ دئێت دا هەڤالێن خۆ ژئاستەنگ وئاریشان قورتالبكەتن، ئەڤجا دەمێ دایك وباب دكەڤنە وان شاشیان كو هەردەم ئەو دێ دگەل زارۆكێن خۆبن،زارۆك ژی ل وی دەمی دێ هەموو پالپشتی یا خۆ دانن لسەر دایك وبابێن خۆ،ئەڤ چەندە ژی نهۆ یادروستە،چنكو دڤێت دایك وباب وێ چەندێ بۆ زارۆیێن خۆ بدەنە زانین كو :دایك هەردەم دگەل وە دا نابت،دبت رۆژەك بێت نەخۆش بت،یان بمرت …هتد،دیسان باب ژی بۆ زارۆیێن خۆ هەردەم ژێدەرێ مووچە وبجهئینانا داخوازیێن وان بت،دبت رۆژەك بێت ئەو موچە نەمینت یان چ كار دەست وی نەكەڤن …هتد.
باشترین تشت ئەوە كو دایك وباب كەسایەتیەكا بهێز و وێرەك ولێهاتی بۆ زارۆیێن خۆ دروست بكن،ئەو ژی ب رێیا پەروەردەكرنەكا ساخلەم وچاندنا گیانێ باوەری بخۆ هەبوونێ دا ل پاشەرۆژێ بكارن بریارێن دروست بدەن وبزانن دێ چاوا خۆ برێڤەبەن،بێ كو پالپشتی یا خۆ بدانن سەر كەسانێن دەوروبەر،چنكو وەكی دبێژن:(زارۆك لاپەرەكی سپی یە،چاوا حەز بكەی دێ وی نەخشی لسەر وێنەكەی).
تُتاح هذه الصورة أيضا في: کوردی