شەش گرتيێن ئێزدی ژدەستێن تیرۆرستێن داعش ھاتنە رزگارکرن
باسنيوز: 
بەرپرسێ نڤیسینگەھا رزگارکرنا رەڤاندیێن کوردێن ئێزدی دیارکرکو ئەڤرۆ 17/9/2017 شەش رەڤاندیێن ئێزدی ژ دەستێن تیرۆرستێن داعش ھاتنە رزگارکرن ل سەر دەمێ حکومەتا مالیکی ل شنگال ھاتبوونە گرتن و رەڤاندن.
حوسێن قائێدی، بەرپرسێ نڤیسینگەھا رزگارکرنا رەڤاندیێن کوردێن ئێزدی بۆ (باسنیوز) دیارکر: “ژنەکا ئێزدی ب ناڤێ شیرین دەخیل دگەل سێ زارۆکێن خوە و زارۆکەکێ دی یێ ئێزدی ب ناڤێ ھەڤال دژیێ 7 سالیێ دا دگەل کچەکا ب ناڤی سمیە دژیێ 13 سالیێ دا ئەڤرۆکە ژ دەستێن تیرۆرستێن داعش ھاتنە رزگارکرن. دێ ئەڤرۆ گەھنە پارێزگەھا دھۆک پشتی کاروبارێن وان دھێنە دروستکرن دێ بۆ ناڤ خێزانا وان ھێتە رەوانەکرن”.
خویا ژی کر: “دڤان رۆژێن بۆریدا پێنچ رەڤاندیێن کوردێن ئێزدی ژدەستێن تیرۆرستێن داعش رزگاربوون ھەتا نۆکە پتر ژ 3100 کەسان رزگاربووینە ب پشتەڤانیا سەرۆکێ حکومەتا ھەرێما کوردستانێ”.
تُتاح هذه الصورة أيضا في: کوردی