ھۆزا ھەسکان ل سنوونێ پشتەڤانیا ريفراندۆما سەربەخۆبوونا کوردستانێ دکن
باسنيوز:
سەرۆکێ ھوزا ھەسکان ل ناحیا سنۆنێ قەزا شنگال دیارکرکو ب شیوەیەکێ فەرمێ ھوزا ھەسکان ل سنۆنێ پشتەڤانیا سەرخستنا رێفراندۆما سەربەخۆیا کوردستانێ کرن دێ رۆژانا چالاکیان ژێ بۆ سەرخستن و زێدەکرنا دەنگێن بەڵی بۆ سەربەخۆیا کوردستانآ کار کەن.
ئەلیاس عەمی، سەرۆکێ ھوزا ھەسکان ل ناحیا سنۆنێ قەزا شنگال، بۆ (باسنیوز) دیارکر: “ھوزا ھەسکان یا کوردێن ئێزدی ل سنۆنێ دەست ئەنجامدانا چالاکیان بۆ پشتەڤانیا رێفراندۆمێ کرن ئەم داخوازی دکەین دەڤەرێن مە ھەموو بھێنە سەر کوردستانێ ڤە و ئیدی ئەم غەدری قەبوول ناکەن ئەڤە سەد سالن حکومەتا عێراقی مە پلە 10 ژێ حیساب ناکەت ھیچ جارەکێ ژی مافێ ئێزدیان دابین نەکریە ئەم بانگەوازیەکێ ئاراستەی ھەموو ئێزدیان دکەن ل رۆژا 25/9 بەرەڤ سەندوقێن دەنگدانێ بھێن ب دەنگێ بەڵی دەنگ بدەن چونکو دێ ئەم سەرفراز ژین دکوردستانێ دا”.
خۆیا ژی کر: “ئەڤرۆ دگەل ھەموو زەلامێن ھوزا ھەسکا دگەل بنگەھێ لالش ل سنۆنێ کۆمبووین ب فەرمێ دێ دەست بانگەشەیا رێفراندۆمێ کەن بۆ سەربەخۆیا کوردستانێ”.
تُتاح هذه الصورة أيضا في: کوردی