رۆژنامهڤانهكێ ئێزدى:گرنگه ئێزدى بهرى ههموو كهسان بۆ پاراستنا ناسنامهیا خۆ دهنگێ بهلێ بۆ سهربهخۆبووتا كوردستانێ بدهن
باسنيوز:
رۆژنامهڤانهكێ ئێزدى:گرنگه ئێزدى بهرى ههموو كهسان بۆ پاراستنا ناسنامهیا خوه دهنگێ بهڵى بۆ سهربهخۆیا كوردستانێ بدهن
رۆژنامهڤانهكێ كوردێن ئێزدى بۆ(باس) د بێژی ئێزدیان چوار خالێن سهرهكێ پێشكیشى لیژنا مافێن پێكهاتان ل كوردستانێ كرینه بۆ پشتى ئهنجامدانا رێفراندۆما سهربهخۆیا كوردستانێ بۆ دهستڤهئێنانا مافێن ئێزدیان ژوانا ژى ئێزدیان كوتا ههبیت و ههموو دهڤهرێن ئێزدیان سهر كوردستانێ ڤه بن، یا گرنگ ژى ههموو ئێزدى بۆ پاراستنا ناسنامهیا خوه دهنگێ بهڵى بۆ رێفراندۆما سهربهخۆیا كوردستانێ بدهن.
خدر دوملى، رۆژنامهڤانیى كوردى ئێزدى بۆ (باسنيوز) دیاركر: “یا دروست ئهو ئێزدى وپێگهاتێن دى یێن ئاینى و نهتهوهیى و مهزههبى بۆ پاراستنا ناسنامهیا خوه بهرى ههموو كهسان قهستا سهندۆقێن دهنگدانى بكهن ودهنگێ بهڵى بۆ رێفراندۆما سهربهخۆیا كوردستانێ بدهن چونكو دى ههبوونا خوه دهولهتا كوردستانێ دا بهرقهراركهن دێ ناسنامهیا خوه پارێزن لهورا ژى یا گرنگ ئهو خهلك دهنگى خوه بده نبۆ پاراستنا مافێن خوه وجهنابى سهرۆك بارزانى چهندین جاران تاكید كریه دهولهتا كوردستانێ یا داهاتى دێ دهولهتهكا ههمه جۆر وههمهرهنگ بیت دێ پاراستنا مافى ههموو پێگهاتان كهت”.
دۆملى ئاماژه دا وى چهندى ژى كو دهمێ ههموو ئێزدى دهێنه دبن سیبهرا دهولهتا كوردستانێ دا دێ سهنگا خوه ل كوردستانێ زێده كهن ئهڤه دێ بیته ئهگهر ئێزدیان پتر كورسیك پهرلهمانێ و حكومهتا كوردستانێ ههبن وبهشداریا ئێزدیان دبریارى ودهزگههێن گرن گدا دێ ماف ههبن پوستهیێن سیادى وهرگرن دێ بنه رێڤهبهرێن ڤى وهلاتى چونكو كوردستان وهلاتى مهیه بهرى ههر كهسهكێ دى.
ئاشكرا كر كو ههموو دهڤهرێن دهمێ دهێنه سهر كوردستانێ ڤه وێ دهمێ دێ ئێزدى ههست پێ كهن ئهڤه وهلاتى وانه بهس ههكه پارچهكا ئێزدیان ژى بمینت و تهنازول ژى هاته كرن دێ بیته برینهكا كوور بۆ ئێزدیان.
ئهوژى خۆیا كر: “گهلهك تشت مه یێن رهوانهى لیژنا مافێن پێگهاتان كرى ههتا چوار خالێن سهرهكى دناڤدا ئێك ژوانا ژى ههموو ئاخا ئێزدى ل سهر دژین بهێته سهر كوردستانێ ڤه ههروهسا ژى سیستهمێ كوتا بۆ بهشداریا ئێزدیان پرۆسیهیا كارگیرى وسیاسى و مافێ رێڤهبرنا دهڤهرێن ئێزدیان ب ئێزدیان بهێته دان ههروهسا ژى ئێزدیان ههموو ماف وئهرك ههبن وهكو ههموو وهلاتین دێ یێن كوردستانێ دا “.
خدر دوملى زێدهتر گۆت: ” نابیت هیچ كهسهكێ ئێزدى دهلیڤه دهنگدانى ب دهنگێ بهڵى بۆ رێفراندۆما سهربهخۆیا كوردستانێ ژدهست بدهت چونكو ئهڤه باشترین دهلیڤهیا بۆ ئێزدیان هاتى ناسنامهیا خوه بپارێزن دكوردستانێ دا و بگههنه ههموو مافێن خوه ببیته ئێك پارچه ئهڤه چهندین سالا هندهك دهڤهرێن ئێزدیان سهر عێراقى ڤه ئهو بى بههرن ژ ههموو مافێن خوه ههتا نوكه ئێزدى سهرا ناسنامى و ئاینى خوه دچارچووڤى دهولهتا عێراقى دا دهێته كوشتن ههر وهكو ههموو كهسان دیتى دچهرخى 21ێ دا كرین و فروتن وبازرگانیى ب مرۆڤان هاته كرن ل عێراقى ژلایێ تیرۆرستێن داعش ڤه”.
تُتاح هذه الصورة أيضا في: کوردی