شلۆڤەكارەكێ ئیسرائیلی:دێ كار كەین ئێزدی هەموو مافێن خۆ د دەولەتا كوردستانێ دا وەرگرن
تۆرا لالش یا راگەهاندنێ
نڤیسەر و شلۆڤەكارەكێ سیاسی یێ ئیسرائیلی راگەهاند،ئێزدی بەشەكی رەسەنن ژ مللەتێ كورد و دێ كار كەین كو هەموو مافێن خۆ د دەولەتا كوردستانێ دا وەرگرن،ب هەموو باوەری دبێژن دەولەتا كوردستانێ یا برێڤە و هیچ مەجالەك تێدا نینە.
د داخویانیەكا تایبەت دا بۆ رۆژناما دەنگێ لالش نڤیسەر و شلۆڤەكارێ سیاسی یێ ئیسرائیلی (ایدی كۆهین)خویاكر،ل بەندا ریفراندۆما كوردستانێ نە و دگەل مافێ مللەتێ كوردن ژبۆ ب دەستڤەئینا مافێ خۆ و سەرۆكێ حكومەتا ئیسرائیلی نەتنیاهۆ پتر ژ جارەكێ راگەهاندیە كو ئەو دگەل دەولەتا كوردستانێ نە وەك حكومەت و گەلێ ئیسرائیلێ و ب هەموو باوەری دبێژم دەولەتا كوردستانێ یا برێڤە هیچ مەجالەك تێدا نینە،سەبارەت كۆمكوژیا ل دژی ئێزدیان هاتی ئەنجام دان ل شنگالێ گۆت:((ئێزدی ددلێ مە دانە و ئەم خەمگینن سەبارەت وێ كۆمكوژیا بسەرێ مللەتێ ئێزدی هاتی لسەر دەستێ تیرۆرستێن داعش و دێ كار كەین كو ئێزدی هەموو مافێن خۆ د دەولەتا كوردستانێ دا وەرگرن،ژبەركو ئێزدی بەشەكی رەسەنن ژ مللەتێ كورد و هاتنا ڤێ داویێ یا نادیا موراد بۆ ئیسرائیل،باوەرم پێشوازیەكا باش لێ هاتە كرن و ئەو یا بەردەوامە دگەل لایەنێن ئیسرائیلی و هەر داخوازەكا ژ مە بێتە كرن بۆ ئێزدیان دوێ باوەریێ دا مە بێتە بجهئینان)).
لدۆر داخویانیێن بەرپرسێن عێراقی دژی پرسا ریفراندۆمێ كۆهینی دیاركر،ئەو داخویانی نە ل ئاستێ بەرپرسایەتیێ دا نە و نكارن ڤێ پرۆسا ئازادیا كوردستانێ راوەستینن،هەروەسا ئەگەر هندەك لایەن و بەرپرسێن ناڤخۆیی و دەرڤە بێژن كوردستان ئیسرائیل یا دووێ یە دڤێت كورد شانازیێ بڤێ چەندێ ببەن ژبەركو هەموو لایەك ل جیهانێ حیسابێ بۆ ئیسرائیل دكت و هەر گاڤەكا دەولەت هات راگەهاندن ئەز باوەرم ئەم كوردستانێ بتنێ ناهێلن و لۆبیێ ئیسرائیلێ ل ئەمریكا دگەل مافێ گەلێ كوردن كو ببن خودان دەولەت و نكارن ئابلۆقێ بێخنە سەر كوردستانێ.
دەربارەی پرۆژێ ( هلال الشیعی) كو ل دەڤەرێن ئێزدیان را ل باشوورێ شنگالێ دەرباس دبت كۆهینی ئاشكەراكر،هیلالا شیعی ب هیچ رەنگی نابت دبۆهستەكا ئاخا كوردستانێ دەرباس ببەت و ئێزدی جارەك دن نابن قوربانیێ مەلایێن تەهرانێ و دیڤەلانكێن ل عێراقێ.
تُتاح هذه الصورة أيضا في: کوردی