کەسایەتیەکێ میرێ ئێزدیان:چارەنڤیسێ ئێزدیان ب کوردستانێ ڤە گرێدایە
دهۆک-KDP.info-
کەسایەتیەکی ژ بنەمالا میرێن ئێزدییان دبێژیت، مە دیرۆکەکا رەش و نەخۆش یا ل گەل وان عەرەبێن دەروبەرێن خۆ هەین، و تشتەکی مەحاڵە ئەم جارەکا دی ل گەل وان بژین.
(داسن فارۆق بەگ)، بۆ ماڵپەرێ فەرمیی یێ پارتی دیموکراتی کوردستان گوت:” مە دیت د کارەساتا ئێزدییان ل شنگالێ کو چاوان عەرەبێن دەردۆرێن شنگالێ هاریکاریا داعشان کرن و هەتا کو وێ رێکخراوێ دەست درێژی کرنە سەر ئێزدییان و ئەو مەزنە کارەساتە ب سەرێ ئێزدییان ئینان، ژ بەر وێ یەکێ ژی ئەم نەشین ل گەل وان کەسان بژین، و چو ئاخا مە ژی ب سەر وان ڤە بیت.
ڤی کەسایەتیێ بنەمالا میرێن ئێزدییان ئاماژە ب وێ یەکێ ژی کر، نها دەرفەتەک زێرین و دیرۆکی ل پێشیا مەیە، ئەوژی سەرخۆبوونا کوردستانێ یە، کو دەرفەتەکە دووبارەبوونا وێ یە ب زەحمەتە، و سەرخۆبوونا کوردستانێ دێ هەموو ناوچەیێن مە پێکڤە گرێدەت.
ل دوماهیێ دیار ژی کر، د سەرخۆبوونا کوردستانێ دا، رزگاربوونا مە و ئاخا مەیە ژ عروبەتێ، چونکی ئەڤە ٧٤ کارەسات ب سەرێ ئێزدیان دا هاتن، و هەتا نها ژی مە چ خۆشی ل گەل عیراقێ نەدیتیە، و نها ژی چارەنڤیسێ مە ب چارەنڤیسێ کوردستانێ ڤە گرێدایە.
تُتاح هذه الصورة أيضا في: کوردی