داخوازا دراڤی ژ مالباتەكا گرتیێن ئێزدی دئێتە كرن
تۆرا لالش یا راگەهاندنێ
ژمارەكا ئەندامێن مالباتەكا ئێزدی هێشتا د دەستێ رێكخراوا تیرۆرستی یا داعشێ دا ماینە و هەمبەر رزگاركرنا وان داخوازا دراڤی كریە،ئەندامەكێ ڤێ خێزانی ژی دبێژت پەیوەندیا وی دگەل كەسوكارێن وی هاتیە برین پشتی كەسی هاریكاریا وان نەكری.
(نەشوان سەیدۆ)خەلكێ شنگالێ یە و نهۆ ل كۆمەلگەها شاریا ئاكنجی یە بۆ رۆژناما دەنگێ لالش راگەهاند،ژمارەكا ئەندامێن مالباتا من كو(10)كەسن ددەستێن تیرۆستێن داعش دا و ئێخسرین ئەو ژی دایك و دوو خوشك و برا و خێزانا وی و زارۆكێن مالا مەتا منن و داپیرا من ل چیایێ شنگالێ مر ل دەمێ ئاوارەبوونێ دا و گۆت:((بەریا هەیڤەكێ دگەل خوشكا خۆ یا گرتی ئاخڤیم و داعش دراڤ دڤیا بەرامبەر رزگاركرنا وێ،لێ ئەو كوژمێ دراڤی من نەبوو كو پێ بێتە قورتالكرن و كەسێ هاریكاریا من نەكر و پەیوەندیا دگەل من هاتیە برین)).
گۆتژی بۆ رزگاركرنا مالباتا خۆ من گەلەك هەولدان كرن لێ یا ب زەحمەت بوو،ب رێیا نڤیسینگەها كاروبارێن رەڤاندیان ل پارێزگەها دهۆكێ شەش ئەندامێن مالباتا وی هاتینە رزگاركرن.
تُتاح هذه الصورة أيضا في: کوردی