دجڤاكێ مە دە پەیڤا شەرمە حـەز و ئارەزۆیێن كچێ ژناڤ دبەت
عـزو عـزو زێباری
زۆرجاران دناڤا جڤاكێ مە یێ كوردی دا ئەم گوهداری پەیڤا شەرمە توو كچی ڤی كاری نەكە،ب رامانەك دی ئانكو دبێژنی توو گەلەك ژ رەگەزێ نێر جێوازتری وبڤێ گۆتنێ وبڤی سنووری هندی بەرتەنگ گەلەك حەزوئارەزۆیێن جان و پربها دمێشكێ كچێ دا دكوژن،هندەك جاران ژی بۆ دیاردكن كوئەڤ كارە تنێ بۆ كوركان دروستە خۆ ئەگەر شكاندنا سنورێن مرۆڤایەتی ژی بن ولادان بت ژدەستورێ وی ئایینی ئەوێ ئەو جڤاك پەیرەودكت و ل سەرد چت.
وهندەك جاران ژی ئەگەر ئەو شاشیا كوركەك دكەتن كچكەك وێ شاشیێ ئەنجام بدەتن لناڤا خەلكێ ب چاڤەك زۆركێم بەرێ خۆ ددەنە وێ،ڤێجا دێ بتە بەنیشتێ دەڤێ خەلكێ وهندگۆت گۆتك ژی دێ ل سەرهێن گۆتن،كەساتیا وێ دێ گەلەك كێم كن دچاڤێ خەلكێ دا،ئەگەر كورك بكت رەنگە بۆ ماوەكی كورت بەحسا وی بێتەكرن یان ژی هەرشاشیا وی ڤەشێرن،ئەڤ یەك ژی ب شاشیەك زۆرمەزنە دبینم بەرامبەر هەست و حەزێن كچێ دئێتەكرن،بخۆژی دبنەرەت دا چ تشت نینە بناڤێ شەرمە تووكچی لێ تشتەكێ هەی دبێژنێ(حەرام)وئەڤەژی ل سەرهەموویان دگونجت بێ ژئێك جوداكرنا رەگەزان،چنكو ل ئاخرەتێ و رۆژا لێ پرسینێ توو ناچی بەرامبەر خودایێ مەزن بێژی ئەزكوركم وب رەنگەك جێواز ژ رەگەزێ(مێ)لێ پرسێن ژتە بێتەكرن،ڤێجا تشتێ گرنگ ئەوە رێكخراوێن دبوارێ پەروەردەكرنا جڤاكی دا كاردكن رۆلێ خۆ بگێرن وڤێ چەندێ خویا بكن و هەروەسا مامۆستایێن ئایینی ژی رۆلێ خۆ بگێرن هەر ئاینەك بتن چ (بوسلمان ،مەسیحی ، ئێزدی ……. هتد).
ڤێ چەندێ دناڤا جڤاكێ كوردی دا ب گشتی دبینم یا بوویە نەریتەك،نزانم خەلەت تیگەهشتنا ئایینی یە،یان ژی خۆ سەپاندنە بسەر رەگەزێ مێ وبن دەست كرنا وێ یە،لێ ئەگەر ئەم بچینە سەرخالا راست تنێ دێ بینی هەردوو رەگەزئێك خودایێت ئافراندین ئەوژی تەمام كەرێن هەڤدونە بۆ ژیانێ بێ خۆسەپاندن بسەر ئێك دا.
تُتاح هذه الصورة أيضا في: کوردی