حەیدەر شەشۆ: پەکەک چەکدارێن خوە ژ رەققە ڤەدگوھێزیتە شنگالێ
WAAR-دهۆك:
فەرماندارێ ھێزا پاراستنا ئێزدخانێ راگەھاند؛ پەکەکە ب ڤەگوھاستنا گەریلایێن خوە ژ باژارێ رەققە یێ سووری و لڤینێن خوەیێن سەربازی وێ یەکێ نیشا ددەت کو نیازا چوولکرنا شنگالێ نینە.
حەیدەر شەشۆ، فەرماندارێ ھێزا پاراستنا ئێزدخانێ بۆ ئاژانسا ئەنادۆل یا تورکی راگەھاند؛ پشتی نەمانا ھێزێن پێشمەرگەی ل شنگالێ، لڤینێن پەکەکێ رۆژ بۆ رۆژێ زێدە دبن.
گۆت ژی؛ پەکەکە ڤالاتیا ئەمنی و نەبوونا ھێزێن رێکخستی ل شنگالێ ب دەلیڤە دزانیت بۆ بەرفەرھکرنا دەستھەلاتا خوە ل وی باژاری، نھا ل ھەر جھەکێ شنگالێ و سنۆنێ ب دەھان ئالایێن جودایێن گرۆپێن پەکەکێ ل سەر خانیێن وەلاتیان و ئاڤاھییێن حکومی ھەنە.
شەشۆ ئاشکرا کر؛ پەکەکێ ھندەک چەکدارێن خوە ژ رەققە ئیناینە شنگالێ و لڤینێن خوە زێدە کرینە، ئەو یەک ژی نیشانە کو پەکەکێ نیاز نینە شنگالێ چوول بکەن، ئەو لڤین ژی د بەرژەوەندا کەسێ دا نینن.
تُتاح هذه الصورة أيضا في: کوردی