كچا ئێزدی قوربانیا هەموو كارەساتایە
شامە شنگالی
ل 3ێ تەباخا 2014ێ ڕۆژا داگیركرنا شنگالێ لسەر دەستێ رێكخراوا تیرۆرستیا داعشێ، ب هەزاران كچێن ئێزدیان هاتنە گرتن ژلایێ تیرۆرستان ڤە و كرێترین تاوان د دەرهەقێ وان دا ئەنجام دان و هێشتا ب سەدان یێ د دەستێ وان دا ژ نەخۆشیان دنالن.
هەروەسا ل پێش چاڤێن وان كچا دەیك و بابێن وان هاتنە كوشتن ژلایێ وان تیرۆرستان ڤە ب ئەگەرێ كو وان نەڤیانە ئایینێ خۆ بگهۆرن، هەروەسا ب دارێ زۆرێ ل خۆ مۆهركرن و كرین و فرۆتن ل بازارا پێ دكرن ب بەهایەكێ ئەرزان ،لێ سەرەڕای ڤێ دەردەسەریا كو بسەرێ كچا ئێزدی هاتی وێ خۆ بێ ئۆمێد نەكر و خۆ ب شیانێن خۆ ژ دەستێن وان تیرۆرستا قورتالكر ئەڤ ئەگەر دیار دكە كو ئەو ژ هەژی یە كو رێزەكا مەزن ل وێ بێتە گرتن،پشتی خۆ ژ وێ رەوشێ قورتالكری ژی ئەو رەوشا كو مرن تێدا ب دەست نەكەفتی و هەتا ڤێگاڤێ ژی دبینێ كو وەكو ئاستێ پێتڤی هاریكاری بۆ نەهاتیە كرن و هێشتا پتر ژ(3300)كەسێن ئێزدی ل دەستێن داعشێ دانە كو ل رەوشەكێ دا دژین ژ مرنێ ب زەحمەت ترە.
هیڤی و داخوازێن وان یێن سەرەكی ژ هەموو جیێن پەیوەندیدار ئەوە دیتنا چارەكێ یە،بۆ وان كەسێن هێشتا ل دەستێ داعشێ دا و زڤراندنا وان بۆ كەس وكارێن وانە.
تُتاح هذه الصورة أيضا في: کوردی