قایمقامێ شنگال:ژبهر پەكەكێ و حەشدا شەعبی شنگال وێران بوويه
شنگال-KDP.info-
قایمقامی شنگال دهڵێ، شنگالییەكان ئێستا باری گوزەرانیان زۆر خراپە و، حەشدی شەعبی پێشێلكاریی دەكات و قەیرانێكی گەورەیش لەو ناوچەیەدا سەری هەڵداوە.
(مەحما خەلیل)، بە ماڵپەری فەرمیی پارتی دیموكراتی كوردستانی گوت، “لە سایەی پەكەكە و حەشدی شەعبیدا، شنگال وێران بووە و حەشدی شەعبی هەموو دەرگایەكی بەسەر شنگالییەكاندا داخستووە و قەیرانێكی گەورەیش لە شنگالدا سەری هەڵداوە”.
لە دوای ١٦ـی ئۆكتۆبەری ئەمساڵ و لە ترسی هەبوونی حەشدی شەعبی لە شنگال، هیچ رێكخراوێك نەچووەتە شنگال و گوزەران و ژیانی خەڵك زۆر خراپ بووە.
وەك قایمقامی شنگال ئاماژەی دا، حەشدی شەعبی پێشێلكاریی دەكات و ئێزدییەكانیش لەم دواییانەدا دوو جار ئاوارە بوون، جارێك لەبەر داعش و جارێكیش لەبەر میلیشیاكانی حەشدی شەعبی، ئێستایش خەڵكی شنگال زیاتر لە ٩٠% ئاوارە بوون و ئەوانی لە شنگالیشدان، لە هەموو پێداویستییەكانی ژیان بێبەشن.
(خەلیل) هەروەها دەشڵێت، “ناوچەكە بەردەوام گۆڕانگاریی بەسەردا دێت و زیاتر لە ٤٥ ساڵە پرۆسەی بەعەرەبكردنی شنگال و چەندان ناوچەی دیكەیش بەردەوامە، ئێستایش هەمان ئەو عەرەبانەیان هێناونەتە شنگال كە دەستیان لە جینۆسایدكردنی ئێزدییەكاندا هەبووە”.
تُتاح هذه الصورة أيضا في: کوردی