هەرێم د تراژیدیا عێراقێ دا
جوان بەرواری 
پشتی بۆرینا بیست و پێنج سالێن نەخۆشی، زولم زۆرداری و بەدخۆراییا مافێن كوردان ژ ئالێن دەولەتێن دوژمن ڤە، ئێدی كوردان ژی دخواست كار لسەر پرۆژەیێن نویخوازی و دامەرزاندنا ماف و چارەنڤیسێ خۆ بكن، ژبۆ وێ یەكێ داكو هێزا تاكێ كورد ب بتە جیێ ئەمانێ و خوونا جانگۆریان ب ئالایێ دەولەتبوونێ بێتە نەخشكرن،چنكو ئەو كەد و خەباتا گەلێ كورد و خوونا جانگۆریێن قەهرەمان دای پێتڤی ب سەرهلدانا شۆرەشەكا هێزی و بنگەهێ دەولەتەكا ئاڤاكری بوو،لەورا ژی دەما كو د گۆتارا خۆ دا جەنابێ سەرۆكێ هەرێما كوردستانێ مەسعوود بارزانی بریار دایی ل رۆژا( 25/9/2017)گەلێ كورد رابن سەرخۆ و بریارا ڤێ یەكێ هاتیە دەركرن، وی دەمی دەولەتێن سەرە دەست نەدخواست ئێدی كورد ژی ببن خوەدی مافێن خۆیێن ئازاد و رابوون ب ئازراندنا ناكۆكیان دناڤبەرا هەرێمێ دەستكەفتێن وێ دا،ئەڤێ یەكێ ژی هندەك ژ بارودۆخێ سیاسەتێ گوهارت و بەر ب ئاوایەك دن ڤە بر، ژبەركو ئەوا هەتا نهۆ دهاتە پراكتیزەكرن د هزرا تاكێ كوردە سیاسەتەك فامكری بوو.
لێ ل ڤێرە ئەو سیاسەتا هەیبەتا خۆ نیشانی تاك نەدت ، گەلۆ ما دبت مرۆڤ لسەر وێ سیاسەتێ فەلسەفان ئاڤا بكت؟ دیارە هەردەم ئەم كورد یێن فێری وێ یەكێ بووین دبێژین ئەوا هێزێن سەرەدەست نیشانی مە ددەن ئەو دەستكەڤتێن هەری گرنگن ژ بۆمە، لەورا ژی ئەم دیرۆكا خۆ ب پێداچوونێ مێزەنا كەین، ئەگەر ئەم بنێرین ئەوا ئیرۆ هلدایی دناڤا هەرێمێ و عێراقێ دا ژبۆ مە كوردان مەترسیێن مەزن بوون، چنكو پشكەك ژ دەستكەفتێن مە هاتن ژ ناڤبرن،لەورا ژی دەما كو مە بەحسا ئازادبوونا خۆ كری عێراقێ نەدخواست دەستكەفتێن مە وەك خۆ ب مینن بەلكو د خواست هەڤركیێ دوژمنكاریێ د ناڤا هەرێمێ دا دروست بكت، ئەڤێ یەكێ ژی كاریگەرێن هەری مەزن خستن ناڤا رۆلێ دەستهەلات، ئۆپۆزسیۆنێ و جڤاكی دا،ژ بەر ڤێ چەندێ ژی گرنگیا كو دەستهەلات و ئوپۆزسیۆنێ خۆ تێدا دیتی رابوو ب ئازراندنا هزرا خەلكەكێ و دیسان رۆلێ ڤێ خواستەكێ میدیایێ پتر دا بەر داسێن ئازراندنێ، لەورا دبت چ جاران دەستهەلاتێ ئەو ئیرادە نەدا یە بەر چەنگێن خۆ كو بكارت رێزێ ل یاسا و پرەسپێن خۆ بگرت، بەلكو هەردەم خواستیە بویەرو تراژیدێن بۆری دوبارە بكت و لسەر وێ دوبارەكرنێ ئیهانەتێ ل قەلەم بدەت، بنێرە رۆژئاڤا، تراژیدێن خۆ ژبۆ مفا وەرگرتن و هشیاربوونا عەقلێ خۆ بكاردئینت،گاڤا كو وان خواست دیرۆكێ تەماشەبكن، هەولددەن بهایێ دیرۆكا خۆ ب داهێنانێن ئاڤاكەر پێشكێشی جیهانێ بكن، لەورا ژی دیرۆكا وان ب پیرۆزی دئێتە راگرتن و پاراستن، لێ ل رۆژهەلاتێ ئەم خۆ ب پیرۆزی نیشانی هەڤدوو نادەین،بەلكو دیرۆكا چووی د گەل یا نهۆ تێكهەلی هەڤ دكەین و جوداهیا وێ فام ناكەین،چنكو ئەم رێزێ ل یا چووی ناگرن و پێداچوونێ تێدا ناكن، ژبەر ڤێ ژی هەردەم دبینە خودان دیرۆكەك پری شاشی و هەڤركی.
ل ڤێرە هەگەر مە بڤێت دیرۆكا خۆ ناس بكەین، گرنگە لسەر بنگەهێ هزرا ئازاد ئەم پێشهاتێن هەڤدۆ قەبوول بكن،ئەڤجا گەرەكە ئێدی تاك، دەستهەلات ، ئوپۆزسیۆن روحا ئێگرتنێ بپارێزێن و ب هزرو كریارێن راست هەڤدو ناس بكن، ژبەركو ئەوا ئیرۆ هلدایی پارچەك ژجەوهەرێ وێ كورداتیێ هات ژ ناڤبرن و ئیهانەتكرن،ئەڤێ یەكێ ژی ئیرادا تاكێ كورد بەرەڤ هزرەك نەچاڤەرێكری بێ باوەریێ دە بر، چنكو كاریگەری كەڤت دناڤبەرا دەستكەفت و چارەنیڤیسان دە و ئەنجام دانا گشتپرسیێ بۆ گەلێ كورد هیڤیێن مەزن بوون ژبەركو كوردان دڤێ رەوشێ دە هەلویستێ خۆ بۆ دەولەتێن جیهانێ هەموویان دا دیاركرن كو ئێدی دخوازن ب بن خودان مافێن خۆیێن رەوا و خوونا جانگۆریێن وان بێتە بلندكرن لسەر ئاخا كوردستانێ، لێ ئیرادا كوردان یا بەرهەڤ نەبوو ژبۆ ڤی چارچووڤەیی، ئەڤێ یەكێ ژی لاوازیا كوردان سەلماند بۆ دەولەتێن دوژمن و سەرەرای وێ یەكێ ژی دەولەتێن كو دخواست هاریكاری پشتەڤانیا خۆ ژبۆ گەلێ كورد دیاربكن د لایەكێ دە مان بێدەنك و نەهاتن لسەر خەت ،ئەڤە ژی بوو ئێك ژ وان هەلویستێن بێ لایەن كو كاریگەری كرە لسەر رەوشا هەرێمێ، ژ لایەكێ دن ڤە یۆ ئێن بخۆ ژی كەڤتە دبن بارێ فشارێ دە بەلكو خواستا وێ بوو ئێگرتنا كوردان نەبوو.
پێتڤیە گەلێ كورد و هەموو پارتێن سیاسی رێز ل هەلویستێن هەڤدو بگرن و دەست بكن د ناڤ دەست رۆلێ خۆ یێن دیمكراسی دناڤ هەرێمێ دە پیشان بدەن و ژبۆ دەولەتێن دوژمن دیاربكن كو كوردان هەردەم كارینە دناڤا چەپەرێن شەران دە بەرخودان و هێزو ئیرادا خۆ ب خوراگری بلند بكن، داكو ئێك رێزیا مالا كوردی دچارچووڤێ دیمكراسیەتێ بێتە پاراستن و دەولەتێن سەرەدەست ب چاڤێن كەیڤێ تەماشەی گەلێ كورد نەكن،ژبەركو دەما شەرێن رێكخراوا تیرۆریا داعش هلدایی پێشمەرگێن قارەمان ل هەمبەری ڤێ هێرشێ كارین هێزا خۆ نیشانی هەموو جیهانێ بدەن ئەڤێ یەكێ ژی بەرسڤا دەولەتێن دوژمن دا كو كورد خودان ئیرادەنە،بەلكو دهەردەم و كاودانەكێ دە دكارن ئێك رێزیا ناڤ مالا كوردی ب پارێزن بێ جێوازی و هێز و وەرارا وان دكارە خۆ لبەر سینگێ هەر دوژمنەكی كاودانەكێ بگرە، لەورا بلا كورد ئێدی خۆ ب دوبارەكرنا ڤان تراژیدیان نەخاپینن ڤە و نە بن داردەستێن دەولەتێن دوژمن داكو دەولەتبوونا خۆ مسۆگەر بكن.
تُتاح هذه الصورة أيضا في: کوردی