بهرنامێ سهرهدانا نێچيرڤان بارزانى بۆ ئهلمانيا هاته راگههاندن
ئهڤرۆنيوز:
ل سهر داخوازنامهكا فهرمى يا حوكمهتا ئهلمانيا، برياره ل رۆژا دوشهمبى 18/12/2017، نێچيرڤان بارزانى سهرۆك وهزيرێن ههرێما كوردستانێ سهرهدانا بهرلين بكهت وهژمارهكا كۆمبوونان ل گهل مهزنه بهرپرسێن وى وهلاتى ئهنجام بدهت.
فهرمانگهها پهيوهنديێن دهرڤه يێن حوكمهتا ههرێما كوردستانێ، دبهياننامهكێ دا ئاشكراكر كو نێچيرڤان بارزانى دێ ل گهل ئهنگێلا مێركل شيرهتكارا ئهلمانيا وزيگمار گابريێل وهزيرێ دهرڤه وئۆرسۆلا ڤۆندهرلاين وهزيرا بهرگريێ كۆمبيت ودێ سهرهدانا پهرلهمانێ ئهلمانيا ژى كهت.
ل دووڤ وێ بهياننامێ” پهيوهنديێن دو قۆلى، بهرچاڤكرنا دووماهى پێشهاتێن سياسى وئهمنى يێ دهڤهرێ وشهرێ داعشێ ورهوشا ئاواره وپهنابهران وميكانيزما چارهسهركرنا گرفتێن دناڤبهرا ههرێمێ وبهغدا ودووپاتكرنا ههلويستێ حوكمهتا ههرێما كوردستانێ بۆ چارهسهركرنا گرفتان ب رێيا دانوستاندنێ وئاشتيانه، دێ تهوهرێ سهرهكى يێ وان ديدار وكۆمبوونان بيت”.
ئێڤاريا دوهى ئهينيێ، مالپهرێ وهزارهتا دهرڤه يا ئهلمانيا، بهلاڤكربوو كو ل رۆژا دوشهمبى 18/12/2017، نێچيرڤان بارزانى، سهرۆك وهزيرێن ههرێما كوردستانێ ل دووڤ داخوازنامهكا فهرمى دێ سهرهدانا بهرلينێ كهت.
تُتاح هذه الصورة أيضا في: کوردی