ئيرۆ گهلێ كورد رۆژا ئالایێ كوردستانێ ساخكر
WAAR-دهۆك:
گهلێ كورد ئهڤرۆ ل سهرانسهری ههرێما كوردستانێ و جیهانێ رۆژا ئالایێ كوردستانێ ساخ كر و رێورهسم گێران.
ئهڤرۆ رێككهفتنی ههڤدهی كانوونا ئێكێ رۆژا ئالایێ كوردستانێ یه، پهرلهمانێ كوردستانێ ب قانوون ئهو ژڤانه دهستنیشان كرییه و سالانه، گهلێ كوردستانێ ئهڤێ یادا پیرۆز ساخ دكهت.
رۆژا ئالایێ كوردستانێ ئهڤرۆ ل سهرانسهری ههرێمێ هات ساخكرن، ل پهڕلهمانێ كوردستانێ د رێورهسمهكی دا ئالایێ كوردستانێ هات بلند كرن، ههروهسا ل تهڤاهییا سازیێن فهرمی یێن حكومهتێ و ل ههموو پارێزگههێن كوردستانێ.
د رێورهسمان دا، جهعفهر ئیبراهیم جێگرێ سهرۆكێ پهرلهمانی د گۆتارهكێ دا بهحسا رۆژا ئالایێ كوردستانێ كر و ئهو قانوونا پهڕلهمانێ كوردستانێ ژبۆ ڤێ رۆژێ دهركری و گۆت: د ڤێ یادا پیرۆز دا گهرمترین پیرۆزباهییان ل گهلێ كوردستانێ و مالباتێن شههیدان دكهین
كو جانێ خوه ژبۆ بهرز راگرتنا ئالایێ كوردستانێ كرییه قوربانی.
دیرۆكا ئالایێ كوردستانێ بۆ كۆمارا مههاباد ڤهدگهڕیت، پهڕلهمانێ كوردستانێ ل سالا 2009ێ رۆژا 17ی كانوونا ئێکێ وهكو رۆژا ئالای دهست نیشان كر، پێشتر ژی، سهرۆكاتییا ههرێما كوردستانێ فهرمان دا، ئالایێ كوردستانێ ل تهڤهاتییا دامودهزگههێن حكومهتێ بهێت بلند كرن.
تُتاح هذه الصورة أيضا في: کوردی