حەشدا شەعبی ھەموو ئامیرێن باژێرڤانیا شنگال برن
باسنيوز:
نوونەری خەلکێ شنگال ل جڤاتا نوونەرێن عێراقی دیارکرکو حەشدا شەعبی ھەموو ئامیرێن گران بھا یێن باژێرڤانیا شنگال برینە کەس نوزانت وان ئەو ئامیرێن باژێرڤانیی بۆ کێڤە برینە.
ماجد شنگالی، نوونەری خەلکێ شنگال ل جڤاتا نوونەرێن عێراقی، بۆ (باسنیوز) دیارکر: “حەشدا شەعبی باژێرڤانیا شنگال تالانکریە ھیچ ئامیرەکێ بۆ خزمەتکرنا خەلکێ شنگال دناڤ باژێرڤانیا شنگالێ دا نەھێلاینە ئەو قلاب و تەرکتور وئامیرێن دێ یێن بۆ باژێرڤانیا شنگال ھاتینە دابینکرن داکو پێ خزمەتا خەلکێ شنگال بھێتە کرن ودەست ب ئاڤادانکرنا دەڤەری بھێتە کرن نوکە حەشدا شەعبی ئەو ئامیرێن باژێرڤانیی ھەموو برن چوو ئامیرە ل باژێرڤانیا شنگال نەھێلان”.
خۆیا ژی کر: “ھەتا حەشدا شەعبی ل شنگال بیت ب ھیچ شیوەیەکێ شنگال ناھێتە ئاڤادانکرن وئاوارێن شنگال ژی نەشێن ڤەگەرن ئەڤە سێ سال و چار ھەیڤن خەلک شنگال ئاوارەیێ ھەرێما کوردستانێ بووین ھەتا نوکە ژی 90% ژ خەلک شنگال ل کەمپێن ئاوارانە ژبەر ڤان رەفتارێن حەشدا شەعبی خەلک ناڤەگەرن”.
تُتاح هذه الصورة أيضا في: کوردی