پارتی بۆ خوهنیشاندهران: نههێلن ناڤێ كوردستانێ كرێت ببیت
WAAR-دهۆك:
مهكتهبا سیاسی یا پارتی دیموكراتی كوردستان پشتهڤانییا خوه بۆ خوهنیشاندانێن ئاشتیانه و دوور ژ تۆندوتیژیێ راگههاند و داخواز ژ خوهنیشاندهران كر، رێ نهدهن ناڤێ كوردستانێ كرێت ببیت.
د راگههاندنهكێ دا، مهكتهبا سیاسی یا پارتی دیاركرییه، پارتی خوهنیشاندانان ب مافێ خهلكی دزانیت و دهنگێ خوه د ئێخیته دگهل دهنگێ پاقژێ ههموو وان كهسێن ب ئاشتیانه داخوازا مافێن خوه دكهن، د ههمان دهم دا دژی ههر رهفتارهكا شاش و دهستدرێژیهكێ یه ل سهر مال و مولكێ گشتی.
دایه زانین ژی كو نها كریار و رهفتارێن وان كهسێن خوهنیشاندانان دكهن ب تهمامی ژ جهوههرێ خوهیێ مهدهنی لادایه و وهكو خوهنیشاندانهكا چهكداری خوه دهرخستییه و سۆتن و ژناڤبرنا بارهگههێن پارتی كرییه ئارمانجا خوهیا سهرهكی.
پارتی داخواز ژ سازییێن ئێمناهیێ كرییه ب ئهركێ ل سهر ملێن خوه راببن و گیانێ وان كهسێن دناڤا بارهگههان دا ب پارێزن و ژ ههموو ئالییان ژی خواستییه، نههێلن ناڤێ كوردستانێ و ئهزموونا وێ كرێت ببیت.
تُتاح هذه الصورة أيضا في: کوردی