هەلبەستڤانەك:هۆنەرێ شنگالێ هاتیە پشتگۆهاڤێتن
تۆرا لالش یا راگەهاندنێ
هەلبەستەڤانەكێ قەزا شنگالێ دیاركر،هۆنەرێ شنگالێ ب ئێكجاری یێ هاتیە پشتگۆهاڤێتن و هاریكاریا هەلبەستڤانان وەك پێتڤی نەهاتیە كرن.
هەلبەستڤان(عالدین قولۆ حەجی)بەرنیاسە ب عەلدینێ قولۆ بۆ رۆژناما دەنگێ لالش دیاركر،دەستپێكا من یا نڤیسینا هەلبەستێ ل سالا (2010)ێ بوو،گەلەك ئەگەر هەبوون هەلبەستێ بنڤیسم ژ وان ژی بن دەستیا گەلێ ئێزدی و فەرمانێن لسەر خەلكێ ئێزدی و تەڤایا گەلێ كورد ،هەروەسا هەلبەست هەستەكە د هندرێ مرۆڤان دا خۆ د دا نڤیساندن و هەلبەستڤان ب رێیا هەلبەستێن خۆ نامەیەكێ دگەهینێ خەلكێ و خۆ پێ هشیار دكە ژ شاشیان،دیسان ئێش و ئازارێن خەلكێ خۆ دئینتە زمان و بەرچاڤ دكت،پتر حەز جۆرێ هەلبەستا ئازاد دكم و یا ئازاد و سوریالی و دوو بەیتی و وەزن و قاف دنڤیسم،گۆتژی هۆنەرێ شنگالێ ب ئێكجاری یێ هاتیە پشتگۆهاڤێتن و هاریكاریا هەلبەستڤانان وەك پێتڤی نەهاتیە كرن،ئەڤجا داخوازا مە ژ جیێن شۆلەژێ ئەوە گرنگیێ بدەنە هۆنەرێ شنگالێ و هاریكاریا هەلبەستڤانا بێتە كرن.
ناڤهاتی ئەو چەندە ژی دیاركر،وی پەرتۆكەك بەرهەڤ كریە و ناڤەرۆكا وێ بەهرا پتر لسەر فەرمان و ئالۆزیێن ژیانێ و هەلبەستێن نیشتیمانی و ئەڤینیێ را هاتیە نڤیسین،لێ ب مخابنی ڤە چ هاریكار ژ من را نەهاتیە كرن هەتا بكارم چاپ بكم و پەرتۆك ئەڤ سالەك پترە تنێ( CD)یە و هیڤیا من ئەوە ب زووترین دەم بێتە چاپكرن.
تُتاح هذه الصورة أيضا في: کوردی