كۆنفرانسێ زانستی لسهر ئێزدیان و ئێزدیاتیێ ل رووسيا
تۆرا لالش يا راگههاندنێ
ل ئینستیتیووتا وهلاتێن رۆژهلاتێ یا ئهكادیمیا زانیاری یا رووسیایێ،بهشێ ئێزدیناسیێ هاته ڤهكرن،سهرۆكێ وێ دكتۆر “یوورایێ داسنی” یه.
زانیارێن كورد، رووس و نوونهرێن مللهتێن دن وێ د سێ ئودهیێن وێ عوجاخا زانیاری دا ل رهخ بهشا كوردزانیێ كارێ گرێدایی دینێ كوردایی كهڤناره – ئێزدیاتیێ لێكۆلینێن زانیاری بكن،ب چهند زمانان بهرههمان چاپ بكن.
ئەڤ كارێ پیرۆز وێ هاریكاریا گهلێ مه بكه،كو ل جیهانێ زێده بێ ناسكرنێ و هزركرنێ.
ل ڤێ ریپۆرتاژا تهلهڤزیۆنا رووداوێ بهحسا كۆنفرانسا پێشن یا سهر ڤێ پرسا بۆ گهلێ مه گرنگ، خهبهردانێن سهرۆكا بهشا كوردزانیێ یا ئینستیتیووتا رۆژهلات زانیێ یا بهشێ سانكت-پێتێرسبوورگێ یا ئهكادیمیا زانیاریا یا رووسیایێ زهرا ئەلی یووسووپۆڤایێ رێكتۆرێ زانینگهها دهۆكێ موسلهح دهۆكی،زانیارێ ئێزدیناسیێ پیر خدر، كوردێن سۆڤیهتا بهرێ تۆسنێ رهشید، تێیمووراز ئەڤدۆیێڤ، شێخ مراز،ژێنیا زووربایێڤا،ئازا ئەڤدالی، نادیا كۆچۆیی و یێن دن تێ كرنێ.
كۆنفرانس دۆستهكێ گهلێ كورد،دكتۆر ڤادیم ماكارێنكۆ ب رێڤه دبر.
مامۆستایێن زمانێ كوردی ل ئینستیتیووتا زمانێن دهرهكی رزگانێ رهجهڤی و ئاهمهد ئیبراهیم تهڤایا خهبهردانێن ل كۆنفرانسی ب ئاوایهكی سینكرۆن (یهكسهر) ژ رووسی و كوردی وهردگهراندن.
تُتاح هذه الصورة أيضا في: کوردی