فەلسەفا جەژنا باتزمیێ
باسم قاسم شنگالی 
ئەڤ جەژنه فەلسەفەکا کوڕ ودویر ب خۆڤە دگرت و هەموو ڕێوهرسمێن ڤێ جەژنێ ب ڕامانێ هزری و ئاینی ڤە دگرێداینە و مێژوويا وێ دزڤڕت بەری هەزارێ سالان دەمێ پیرێ ئالی چووی دەڤەرا دردیلێ ل کوردستانا باکوور ول گوندەکی چێلکا ئاکنجی بوو و پشتی دانوستاندنێ و ناسینا خەلکێ گوندی ب وی چاکی خودێ ، هەر مالەکێ پەزەک کوشت و زادێ خۆ ئینانە جڤاتا پیرێ ئالی .. کوڕێ پیرەژنەکێ داخاز ژ دایکا خۆ کر کو ئەو ژی خوارنەکێ ببەت جڤاتا وی ؛ لێ دایکا وی گۆت : ژ بلی هندەک ئاری جەهی من نینە ، کوڕی گۆتێ: دەرابە بکە وەکو سەوکەکێ و بکەين خۆلیا ئاگری ؛ سەوکا خۆ کرە بن عەبایێ خۆدە و چوو جڤاتێ ، بەلێ شەرم دکر ب ئینتە دەر ؛ لێ ل پا پیرێ ئالی ب کەرەمێ ئاشکرا بوو لورا گۆت:(( سەوکا بن عەبایی من قەبوول کر ب گایی ))،و داخاز ژ هەموو ئێلێت چێلکا کر کو هەر سال دوی دەمی دا جەژنهکا هەفت رۆژی چێ کەن ، و بابکێت بوزیرا ببنە مجیۆر و خەورەی بۆ ڤێ جەژنێ بناڤێ باتزمێ چێ کەن و ئەو ژی ل ئێک شەمبوويا داويێ ژ هەیڤا کانونا ئێکێ .
ل رۆژا ئێک شەمبوویێ چل شۆ یە و دووشەمبوويێ و سێ شەمبوویێ و چار شەمبوویێ رۆژی گرتنە و رۆژا چار شەمبوویێ دیسا پەز کوشتنە وهەفت پارییا ژێ چێ دکەن و پێتڤیە پاری ژ هەفت پارچا ژ گۆشتێ پەزەکێ چێکە و پارچێت وی ئەڤەنە : ستو ، سێنک ، هەفت موفکێت پشتا پەزی ، هەفت پەرسۆ یێت رەخا راستێ ، و رانێ راستێ دبتە سێ پارچە و ل رۆژا پێنچ شەمبوويێ شەڤ بەراتا خەورەیە ،دێ خەورە چێ کەن و خەورە ژ ڤان تشتا پێک تێت : هەفت کیلۆ ئار ، شیر ، هێک ،کونجی ) ودێ ئێتە تڕش کرن ب دەستێ کچ و گەنجێ نە شووکری هەتا تڕش نەبت و ڕۆژا شەمبوويێ خەلکێ گوندی مێر و ژن دچنە ماڵێت چێلکا و دبێژنێ سبەها وە بخێر سەرسال و باتزمێت وە پیرۆز بن و تەوافێ خەورە دبن و ب تایبەت ژن داخازا هندەک خەورەی و مێویژا و باسمباری دکەن بۆ خەلاتێ مالا خۆ و هەکە زارۆكێ مالێ نەساخ بوون دێ هندەک مێویژا دەنێ و هەر دیسا مالێت چێلکا سەروپێا دانێنە بەر خەلکێ گوند و مێڤانا و دبێژنێ تێشتا شێشمس و پشتی نیڤرۆ رۆژا ئێک شەمبوويێ چل شۆیە و باتزمی ب داوى دئێت.
تُتاح هذه الصورة أيضا في: کوردی