حکومەتا ھەرێمێ ئاستێ ھنارتنا پەترۆلێ یێ سالا بۆری بەلاڤ کر
WAAR-دهۆک:
وەزارەتا سامانێن سرۆشتی ئاستێ رۆژانە یێ ھنارتنا پەترۆلا ھەرێمێ یێ سالا بۆری بەلاڤکر و راگەھاند؛ سەرجەمێ رۆژانە یێ ھنارتنا پەترۆلێ یێ سالا 2017ێ 445 ھزار و 301 بەرمیل بوون.
وەزارەتا سامانێن سرۆشتی یا حکومەتا ھەرێما کوردستانێ د تۆیتەکێ دا ئاماژەکر، د سالا بۆری دا سەرجەمێ رۆژانە یێ ھنارتنا پەترۆلێ 445 ھزار و 301 بەرمیل بوون و گۆت: ل مەھا ئیلۆنێ رۆژانە 514 ھزار بەرمیل ھاتینە ھنارتن، ل چرییا ئێکێ ژی رۆژانە 384 ھزار بەرمیل، ل چرییا دووێ ژی 252 ھزار و ل کانۆنا ئێکێ ژی 263 ھزار بەرمیل ھاتینە ھنارتن.
پشتی ل 16ی ئکتۆبەرێ حەشدا شەعبی و سوپایێ ئیراقێ ھێرشی پارێزگەھا کەرکووکێ کری و دەست ب سەر پشکەکا پەترۆلگەھێن کەرکووکێ دا گرتی، ئاستێ ھنارتنا پەترۆلا ھەرێمێ ژی کێم بوو.
تُتاح هذه الصورة أيضا في: کوردی