رامانا سەوکا ل جەژنا باتزمیێ دا
حەیدەر عەربۆ
جەژنا باتزمیێ چەژنەکا تایبەته ل ناڤ هۆزێن جێلکان دا هەر سال ل داويا هەیڤا کانوونا ئێکێ دا تێتە گێران و بۆ ماوێ هەفتیەکێ ، وگەلەک ڕێوڕهسمێن ڤێ جەژنێ هەنە و هەر ئێکێ ژوان رامانێن تایبەت ب خۆڤە دگرت لێ بابەتێ مە تێ لسەر رامان و فەلسەفا سەوکان ل جەژنا باتزمیێ دا بت.
سەوک نانەکی تایبەته ل ناڤ ئێزدیان دا و ل جەژنا باتزمیێ دئێتە چێکرن ل رۆژا چارشەمبوویێ ژ جەژنێ و نانەکی پیرۆزه ل میتولوژیا ئێزدیان دا و مێژوویا وی دزڤڕتە سەردەمێ پیرێ ئالی دەما کوڕێ پیرێ سەوکا جەهی ل بن عەبایە خۆ کرە و ئانیە جڤاتا پیرێ ئالى بەلێ شەرم دکر ب ئینتە دەر ؛ لێ ل پا پیرێ ئالی ب کەرەمێ ئاشکهرا بوو لهورا گۆت :(سەوکا ل بن عەبایی من قەبول کر ب گایی ) و ژ وی دەمی هەتا نهۆ سەوکا پیرۆزیهکا تایبەت ل جەم هۆزێن جێلکا هەیە و گەلەک رامان تێدا هەینە،و چێ نابت هۆزێن جێلکا بۆ ماوێ هەفتیەکێ نانێ ئاسایی چێکەن ژ بەر پیرۆزییا سەوکان،یی کۆرێڤارە ب شێوێ بازنی هێمایێ ڕۆژیێ ددهت و هەروەسا هێمایێ تهپا ئهردێ ددهت،و چەند نەقشی فوسێفسا دێ هەینە و دوازده خەت تێدا چێدکەن و هەر خەتەکێ 30 ،31 خالن و ل نيڤەکا سەوکا دا چارگۆشەکی تێ وێنە کرن ؛ ئەو ژی رامانا دوانزه مههێن سالێ ددەن و هەر هەیڤهک ژ چەند ڕۆژان پێک دئێت و چارگۆشە ل نيڤەکا سەوکێ دا رامانا هەر چار ئالیێ دنیايێ ددەت .
تُتاح هذه الصورة أيضا في: کوردی