ئیندیپێندێنت: ژیانا سڤیلێن عەفرینێ بوویە کارەسات

ئیندیپێندێنت: ژیانا سڤیلێن عەفرینێ بوویە کارەسات
WAAR-دهۆك:

د ئێکەم راپۆرتا میدیایێن وەلاتێن رۆژئاڤا دا دەربارەی عەفرینێ، رۆژنامەڤانەکێ بریتانی کو چوویە د ناڤا عەفرینێ دا، رەوشا مرۆڤاتی یا وێ دەڤەرێ ب کارەسات ناڤ کر.
رۆبێرت فیسک، رۆژنامەڤانێ بریتانی د راپۆرتەکێ دا کو ل رۆژنامەیا ئیندیپێندێنت بەلاڤ بوویە، ئاشکرا کرییە؛ ل دەمێ وی سەرەدانا دەڤەرا عەفرینی کری، ئێکەم گوندێ گەهشتیێ ل دەستپێکا وی مالەک هەبوو کو پێنج ئەندامێن ئێک مالبات تێدا دژیان، لێ ژ ئەگەرێ تۆپبارانێن ب شەڤ یێن تورکی، مال وێران ببوو و تنێ کچەکا نۆزدە سالی ژ وێ مالباتێ رزگار ببوو.
ل دەمێ رۆبێرت فیسک گەهشتییە عەفرینێ ژی، سەرەدانا نەخوەشخانەیا وی باژێڕی کرییە و ب گۆتنا وی، هەموو قوربانیێن د ناڤا نەخوەشخانێ دا، نە ب وی رەنگی بوون یێ تورکیا بەحس دکەت، بەلکو پڕانییا وان ژن، زارۆ و کەسێن دانعەمر و سڤیل بوون و د ناڤبەرا بیست و ئێک تا بیست و شەشی ڤێ مەهێ، ژیان ژدەستدانا یازدە شەڕڤانان ل وێ نەخوەشخانێ هاتییە توومارکرن و یازدەیێن دی بریندار بووینە و رەوشا مرۆڤاتی یا سڤیلان، بوویە کارەسات.

تُتاح هذه الصورة أيضا في: کوردی