شێوەکارەکا ئێزدی 110 تابلۆ لدۆر ئازارێن کچێن ئێزدی چێکرینە
باسنيوز:
شێوەکارەکا ئێزدی پتر ژ 110 تابلۆیان ب دەستێن خوە ل سەر ئێش و ئازارێن کچێن ئێزدی د کارەساتا شنگالێ دا ل ژێر دەستێ داعش وێنەکرینە.
نەجات حەجی، شێوەکارا ئێزدی، بۆ (باسنیۆز) دیارکر، پتریا تابلۆیێن ھەتا نھا وێ چێکرین دەربرینێ ژ نەخۆشی و ئێش و ئازارێن کچێن ئێزدی د کارەساتا شنگالێ دا دکەن، وەکو بەلگە و دیکۆمێنت بۆ دیرۆکا کوردێن ئێزدی، چونکو ھەتا نھا گەلەک فەرمان ب سەرێ کوردێن ئێزدی ھاتینە و دیرۆکێ ب دروستی تۆمارنەکریە.
ئاشکرا ژی کر، کچا ئێزدی ل ژێر دەستێ رێکخراوا تیرۆری یا داعش تووشی خرابترین ھەلویستێ دیرۆکی بوون و ئەڤە ژی شەرمزاریە بۆ جڤاکێ نێڤدەولەتی و بێدەنگیا وان ل دۆر وێ زۆرداری و دەستدرێژیا ل سەر کچا ئێزدی.
تُتاح هذه الصورة أيضا في: کوردی