جەژنا چلێ زڤستانێ
مەهدی حەسەن موراد
ئەڤ جەژنە دكەفتە رۆژا دوویی سوباتێ ب هژمارا زایینی ،پشتی داوی هاتنا چلێ زڤستانێ كو ل ڤی چلەیی دەروێش و شكەستی وزانایێن ئۆلا ئێزدیان و هەر كەسەكی بڤێت چل رۆژیا دگرن ژ (٢٤) هەیڤا كانوونا ئێكێ دەست پێ دكت وهەتا (٢) سوباتێ ب هژمارا زایینی دبتە جەژن و ئەو كەسێ چلێ زڤستانێ و چلەیێ هاڤینێ ب رۆژی دبت ، دبێژنێ (چلەگر).
وەك دیار ئەڤ جەژن و چلە ب دەمی ڤە گرێدایە ل ڤان چل رۆژێن سڕ و سەقایەكی زۆر سار ب رۆژی دبن بۆ خودێ،دیسا هەر ئێزدیەكی هەی ڤێ جەژنێ ل ئێك و دوو پیرۆز دكن،نەخاسمە پتریا خەلكێ دچنە جەژنا بابە شێخ و ل وێدەرێ شریناهیەكێ دخۆن و جەژنا وی پیرۆزدكن،هەروەسا لناڤ گوندیا ژی هەر كەسەكی چلە گرتی گوندی و كەس و كارێن وی دچنە مالا وی جەژنا وی پیرۆز دكن و دلخۆشیا خۆ دەردبڕن بۆ ڤێ خێرا كری و كارێ پیرۆز ئەنجام دایی وهندەك ژ مللەتی دچنە لالش ،ژبەركو رێورەسمێن دروست یێن ڤێ جەژنێ ل پەرستگەها لالش دئێنە گێران،هەر بۆ زانین ژمارەكا رێورەسمێن جەژن و هەلكەفتێن مە ئێزدیان ل پەرستگەها لالش دئێنە كرن:١- جەژنا سەرێ سالێ ٢-جەژنا چلێ زڤستانێ ٣-جەژنا چلێ هاڤینێ ٤- جەژنا جەمایێ٥-شەڤ بەرات ٦- جەژنا قوربانێ،جەژنا چلێ زڤستانێ ئێك ژڤان جەژنایە ل رۆژا داویێ ژ چلەی دبتە جەژن و دبێژنێ جەژنا چلێ زڤستانێ.
بڤی ئاوایی رێورەسمێن جەژنێ ل پەرستگەها لالش دئێنە گێڕان :1- ئێزدی قەستا پەرستگەها پیرۆزا لالش دكن گەرەكا د سەر پرا سەلاتێڕا دەربازبت و بچتە سەر حەودا كانیا سپی و دەست و چاڤێن خۆ پێ پاك بكت،2_هەر ئێزدیەكی بچتە لالش ل ڤێ جەژنێ ل مەزار و نیشانگەهێن خاسا زیارەتی دبن، 3_ خۆ و كەس و كارێن خۆ ب ئاڤا زمزمێ سەلادكن، 4_هیڤی و دوعایا دكن، 5_كەسێن نە دمۆركری ب ئاڤا كانیا سپی مۆردكن، 6_ مجێور و سەردەریێن خاسا سماتێ چێدكن ، 7_ ل هێڤاران دیندار سەمایێ دكێشن، 8_ قەول و بەیت و قەسیدە دئێنە ب رێزكرن و دەف و شباب دئێنە لێخستن، 9_ ل گوندان هە ر مالەك سەربڕەكێ سەر ژێ دكت.
ژێدەر:پەرتۆكێن پەروەردا ئێزدیاتیێ
مامۆستایێ ئایینی پیر سەعید
تُتاح هذه الصورة أيضا في: کوردی