بەغدا پلانەکا دی بۆ زڤرینا ئاوارێن شنگال بجە ئینا
باسنيوز:
ئەندامەکی جڤاتا قەزا شنگال دیارکرکو حکومەتا عێراقی بۆ زڤرینا ئاوارێن شنگالا د بن دەستێ حەشدا شەعبی دا حەفت بریکارێن ئاھێن خارنێ ل شنگال ڤەکرن و رێ نادەن ل کەمپان ئاھێن خارنێ ل سەر ئاواران بھێتە بەلاڤکرن وخەلکێ نەچاردکەن قەستا شنگال بکە ن بۆ وەرگرتنا بەھرا خۆ ژ ئاھێن خارنێ.
خەلەف قاسم، ئەندامێ جڤاتا قەزا شنگال بۆ(باسنیوز) دیارکر: “حکومەتا عێراقی ھژمارەکا بریکارێن بەلاڤکرنا ئاھێن خارنێ ڤەگوھاستنە قەزا شنگال بۆ بەلاڤکرنا ئاھێن خارنێ ل سەر خەلکێ شنگال. ئەڤە د دەمەکێ دایە پتریا خەلکێ شنگال ھێشتا ئاوارە نە و نەشێن بزڤرنە شنگال بۆ وەرگرتنا بەھرا خوە یا ئاھێن خارنێ. ل کەمپان ژی ئاھێن خارنێ ل سەر ئاواران ناھێتە بەلاڤکرن، خەلکێ نەچار دکەن بزڤرنە شنگال بەھرا خوە یێن ئاھێن خارنێ وەربگرن”.
خویا ژی کر: “دووڤ پێزانینان ژ مەھا ھەشت سالا بۆرێدا ھەتا ئەڤرۆ 3/2/2018 بەغدا ئار ل سەر خەلکێ شنگال بەلاڤ نەکریە، ب ھەموو شیوەیان بەغدا یا فشارێ ل سەر شنگالیان دروست دکەت دا کو بزڤرن”.
تُتاح هذه الصورة أيضا في: کوردی