ژ بلی جوانیێ بزانه زیانێن سوراڤێ چنه!
ئەڤرۆ نیوز:
سوراڤ بۆ ئێکەم جار ژلایێ ژنێن میزۆپۆتامیا ڤە بکارهاتیە،د وی سەردەمیدا جۆرەکێ بەرێ تایبەت د لێڤێن خوە ددا و ب وی بهری لێڤێن خوە پێ رهنگ د كرن و ل دەف وان وێ چەندێ جوانیەک هەبوو.
هندەک ژێدەرێن مێژوویی ئاماژێ ب ژنێن مسری دكهن، كو جۆرە ماددەکێ شل بکارئینایە، بۆ رەنگکرنا لێڤێن خوە.
ل سهردهمێ ئیسلامێ ئەبوقاسم زەهراوی شارەزایێ جوانکاریێ، كو خهلكێ ئەندەنووسیا بوو، جۆرە سوراڤەکا تایبەت دروستکریە و ل سەدێن ناڤهراستدا ل هەموو ئورۆپا دا بەلاڤە کریە.
ل سەدێ 16 دا ئێکهم كهسا كو سوراڤ ب كارئینای، ل بریتانیا بوو،ئەو ژی شاژن ئیلیزابێسا ئێکێ کو ئاههنگەكێدا لێڤێن خوە سوراڤ تێدا بوو.
ل سالا 1883 بکارئینانا سوراڤێ ل سهرانسهرى جیهانێدا گەلەک زێدە بوو، ژبەر هندێ ئهو ساله د مێژوویێ دا ب سالا پەیدابوونا سوراڤێ دهێتە دانان،ل سالا 1940 هازێل بیشۆب شارەزایێ وارێ ماددێن کیمیایی ب هەڤکاریا چەند هەڤالێن خوە بۆ ئێکەمجار سوراڤەک دروستکر ب ناڤێ سوراڤا تێسین کو ماوەکێ زۆر خوە دگرت و ژ سهر لێڤان نەدچوو.
سوراڤێ ژ بلی جوانیێ زیان ژی ههنە!
ل گهل هندێ کو سوراڤ جوانیێ ددەتە لێڤان و سهرنجا رهگهزێ بهرامبهر زێدەتر رادكێشێت،بهلێ دڤێت ژن وێ چەندێ بزانن كو سوراڤ كهرهستهکێ گرنگ یێ جوانكاریێ یە،کو ئەو ب شێوهکێ رۆژانه بكار دئینن،لێ ڤەکۆلینێن نۆشداری دهرخستیه كو سوراڤێ مهترسى بۆ سهر ساخلەمیا خانمان ههیه، كو دیارترین ژی ئهڤەنە:-
. بكارئینانا سوراڤێ ب رادهکێ زۆر دبیته ئەگەرێ توشبوونێ ب پەنجەشێرێ.
. سوراڤ ب لەزترین رێک بۆ ڤەگوهاستنا بهكتریا بۆ ناڤ لهشێ مرۆڤێ دهێتە دانان.
. سوراڤێ ماددێن وهك (لكادمیۆم و كرۆم و مهنگهنیز) تێدا هەیە،نۆشدار دبێژن،گەلەک بهركهفتنا ڤان جۆره ماددان لگهل لهشێ مرۆڤیدا، مهترسی بۆ سهر ساخلەمیێ ههیه، ب تایبهتی كۆ ئهندامێ ههرسکرنێ.
. سوراڤ تیشكێ ههلدمژێت و ئەڤە وە دکەت،کو لێڤ هشك ببن.
. هندەک جۆرێن سوراڤێ كاریگەری ل سەر دل و نەخۆشیێن پیستی و كۆ ئەندامی هەناسێ هەیە.
.سوراڤێ كاریگەری ل سەر زارۆیێ ناڤ زکێ ژنان دا هەیە، ب تایبەت ئەو دایكێن زارۆیێن شیر خۆر هەین و سوراڤێ بكار دئینن، زیانێن ساخلەمیێ دگەهیننە زارۆیێن شیر خۆر، ئەو دایكێن شیرێ خوە ددەنە زارۆیێن خوە گەشەیا وان زارۆیان ژی كێم دبیت.
. سوراڤێ كاریگەری ل سەر مێشكی هەیە، دچیتە ماسولكان و مێشكێ مرۆڤی.
. زۆرترین رێژا كانزایێ رساسی د سوراڤێ دا هەیه، ماددێ رساسی ژی بۆ پیستەکێ نازك وهك و لێڤان ماددەکێ ژەهراویه.
دێ چاوا زانین کیژ جۆرێ سوراڤێ یێ مهترسیداره؟
چونكی لێڤ ههستیارترین ئهندامێن لەشێ مرۆڤیە،دەمێ ژنەک سوراڤێ بکار دئینیت،ب ئاسانی ب رێیا دهڤی دچیته ناڤ کۆ ئهندامێ ههرسکرنێ و دێ ساخلەمیا وان تێکدەت،لەورا پێدڤیه دەمێ خانم سوراڤێ دکرن،ساخلەمیێ و مارکا سوراڤێ ل بەرچاڤ وەربگرن و ب ڤان نیشانێن خوارێ بزانه كو ئهو جۆرێن سوراڤا تۆ دکری یا مهترسیداره بۆ ساخلەمیا تە.
. سوراڤا ل سهر عهرهبانا و دوكانێن خراب و جهێن گهرم نەكره.
.دەمێ تۆ سوراڤەکێ دکری ب هشیاری تەماشەی لۆگۆیێ سهری یێ وێ سوراڤێ بکه،هەکە پەیڤا paraben ل سهر نڤێسی بوو، بزانە کو ئهڤ ماددە یێ زیانبهخشه و دێ گوهۆرینێ د هۆرمۆنێن تەدا دروست کەت و دێ ساخلەمیا تە ئێخیتە ژێر مهترسیێ.
. هەکە ل سهر لۆگۆیێ سوراڤا تە پەیڤا butylated hydroxyanisole ل سەر ههبوو،ئەو ماددێ کیمیایی یێ مهترسیداره بۆ سهر ساخلەمیا خانمان، نابیت ب هیچ جۆرەکی بكار بینی.
.بهروارا دروست كرنا وێ ل بەرچاڤ وەربگرە، چونكی بكارئینانا سوراڤەکا دروست كری،زیان بۆ ساخلەمیا تە هەیە.
تُتاح هذه الصورة أيضا في: کوردی