كۆنفرانسەكێ ئەكادیمی بۆ چارەنڤیسێ رەڤاندیێن ئێزدی دێ هێتە بەستن
باسنيوز:
رێكخراوا رۆژا شنگال بۆ مافێن مرۆڤی ل هەرێما كوردستانێ، بەرهەڤیان دكەت ب هەڤكاری دگەل بنگەهێن لێكۆلێنێ بۆ ئەنجام دانا كۆنفرانسەكێ زانستی یێ ئەكادیمی سەر ژیان و ماف و پاشەرۆژا زارۆ و ژنێن رزگاربووی یێن ئێزدی.
ریسالە شەركانی، سەرۆكا رێكخراوا رۆژا شنگال بۆ مافێن مرۆڤی، بۆ (باسنیۆز) راگەهاند: نها ئەم بەرهەڤیێ دكەین و ب هەڤكاری ل گەل ئێك ژ بنگەهێن لێكۆلێنێ بۆ ئەنجامدانا كۆنفرانسەكێ زانستی ئەكادیمی سەر ب ژیان و ماف و پاشەرۆژا زارۆ و ژنێن رزگاربووی و چاوانیا كاركرنێ ل سەر دۆزا گرتیان ل راگەهاندنێ و ل جڤاكێ نێڤ دەولەتی.
ئاشكرا ژی كر، “رێكخراوا رۆژا شنگال بۆ مافێن مرۆڤی ل سالا 2017 دەست ب كارێ خوە كریە و ب رێیا كارێ خۆبەشخانە یێن ئەندامان و پشتەڤانێن كارێ مرۆڤی و بێ چو شیانێن دارایی، ئێك ژ كارێ وێ چاپكرن و بەلاڤكرنا پەرتۆكا نڤیسكار و ڤەكۆلەر خالد تەعلو قائیدی بوویە یێ چیرۆكا ئازارێن رزگاربووی لەیلا تەعلو دكیۆمێنتكرین.
رۆنكر ژی، پرۆژێن داهاتی یێن دێ ل سەر كار كەین چاپكرن و بەلاڤكرنا دوو پەرتۆكایە كو چیرۆكێن دۆرێن 20 كچێن رزگاربوویێن ئێزدی دكێۆمێنت دكەن و گۆت: پرۆژێن رێكخراوێ هەموو دەڤەرێن هەرێما كوردستانێ بخۆ ڤە دگرت و بارەگایێ سەرەكی یێ رێكخراوێ ل هەولێرێ یە”.
تُتاح هذه الصورة أيضا في: کوردی