جڤاتا شنگال:ئالۆزی وئاریشێن نهۆ ل شنگالێ یێن بەغدایێ نە
تۆرا لالش یا راگەهاندنێ
ئەندامەكێ جڤاتا قەزا شنگال دیاركر،هەموو ئالۆزی وئاریشێن نهۆ ل شنگالێ یێن بەغدایێ نە،وان نەڤێت رەوش خۆش بت و شەرێ دەروونی دگەل خەلكێ دكت.
(مەهدی عەلی) بۆ رۆژناما دەنگێ لالش خویاكر،حكومەتا عێراقێ سۆزێن خۆ بۆ خەلكێ شنگال بجه نائینت وبەردەوام شەرێ دەروونی دگەل خەلكێ دكت،ل سالا(2014)ێ وەرە هەتا ئیرۆ حكومەتا عێراقێ چوو پلان وبەرنامە بۆ ئاڤەدانیا شنگال نە داناینە بڤێ رەوشا نهۆ گەلەك یا زەحمەتە وەلاتیێن شنگال ڤەگەرن نهۆ خەلك هیچ تشتەكی ژ پاشەرۆژا خۆ نزانن،هەموو ئالۆزی وئاریشێن نهۆ ل شنگالێ یێن بەغدایێ نە وان نەڤێت رەوش ل شنگال خۆش بت.
دیاركر ژی خەلكێ شنگال داخواز دكن پێشمەرگە ڤەگەرن لگەل عێراقێ كار بێتە كرن بادەكا ئەمنیا شنگالێ بێتە رێڤەبرن،مەرەم ژێ ئەوە رەوشا شنگال بێتە تەناكرن هەتا خەلكێ رەسەنێ دەڤەرێ بكارن زڤرنە سەر جیێن خۆ.
تُتاح هذه الصورة أيضا في: کوردی