“حكومهتا عێراقێ بهرههڤ نینه ناحیا قهیرهوان ئاڤهدان بكت”
باسنيوز:
رێڤهبهرێ ناحیا قهیرهوان سهر دهڤهرا بهعاج ڤه دیاركر حكومهتا عێراقى لیستا ئاڤهدانیا قهیرهوان و شنگال و سنۆنێ پشتگوه هاڤیت ورێ نادهت نوونهرێن دهڤهرا قهیرهوان پشكداریێ كونفرانسێن وپلانێن ئاڤهدانیا دهشتا نهینهوایێ دا بكهن.
عهبدولحهمید قاسم یونس، رێڤهبهرێ ناحیا قهیرهوان سهر دهڤهرا بهعاج ڤه بۆ(باسنیوز) دیاركر: “ژبهر نهبوونا خزمهتگوزاریان وتهناهیى ل دهڤهرێ ههتا نوكه 90 هزار كهس ل ناحیا قهیرهوان نهشین زڤرنه سهر جهێن خوه بهرى چهندهكێ ژى عهبادى داخازا لیستا ئاڤهدانیا بهعاج و تهلهعفهر كریه لێ لیستا ئاڤهدانیا ناحیا قهیرهوان پشتگوه هاڤیت وداخاز نهكریه ئهم چهندى ژى ئهم دلگرانكرینه دهڤهرا مه تووشى مالۆیرانیى و خرابكرنێ بوویه وبهغدا بهرههڤ نێنه ئاڤهدان بكهت”.
خۆیا ژى كر: ” گهلهك جاران كونفرانسى بۆ ئاڤهدانیا دهشتا نهینهوا یێن هاتینه ئهنجاندان وهیشتا حكومهتا عێراقى رێ نهدایه نوونهرێن مه پشكداربن ودهڤهرێن مه بهێنه ئاڤهدانكرن”.
تُتاح هذه الصورة أيضا في: کوردی