پاشماوەیێن شەری ل شنگال مەترسیێ لسەر ژیانا خەلكێ دروست دكن
تۆرا لالش یا راگەهاندنێ
ئەندامەكێ جڤاتا قەزا شنگال دیاركر،پاشماوەیێن شەری مەترسی لسەر ژیانا خەلكێ دەڤەرا شنگال دروستكرینە ب تایبەتی ژی مەترسیا زێدەبوونا نەخۆشیان،هەتا نهۆ ل گەلەك جه ودەڤەران پاشماوەیێن شەری نەهاتینە پاقژكرن.
ئەندامێ جڤاتا قەزا شنگال(خەلیل شنگالی)بۆ رۆژناما دەنگێ لالش خویاكر،مەترسی هەیە ژبەر پاشماوەیێن شەری خەلكێ دەڤەرێ تووشی نەخۆشیان بن ب تایبەتی ژی نەخۆشیا پەنچەشێرێ هەتا نهۆ زۆر پاشماوەیێن شەری ل دەڤەرا شنگال هەنە وهێشتا نەهاتینە پاقژكرن،هەتا نهۆ پاشماوەیێن شەری ل ناوچەداریا گرعزێر وسیبا شێخدر هەتا دگەهتە گۆندی كۆچۆ وچەندین دەڤەرێن دی ل قەزا شنگال ماینە نەهاتینە پاقژكرن.
شنگالی ئاشكەراكر ژی حكوومەتا عێراقێ بۆ قەزا شنگال چوو ناكت،هەتا نهۆ كار بۆ پاقژكرنا پاشماوەیێن شەری ل دەڤەرێ نەكریە دێ چاوا شنگال ئاڤەدان كت ب تایبەتی ژی گوند وكۆمەلگەه وناوچەداریێن سەر شنگالێ ڤە پرن ژپاشماوەیێن شەری،ئەڤە ئەگەرن ژیانا خەلكێ بكەفتە مەترسیەكا مەزندا خەلك نكارن قەستا جیێن خۆ بكن.
تُتاح هذه الصورة أيضا في: کوردی